CPCC: Dili mag-panic buying

NAGPAHIMANGNO ang City Price Coordinatin Council (CPCC) sa katawhan nga mangandam, apan dili mataranta ilabi na dili mag-panic buying, gumikan na usab kay duna nay nasinatiang epekto sa weak El Niño.

Nagtigom ang tinugyanan sa CPCC kinsa nagmonitor kanunay sa presyo sa mga basic commodities o nag-unang palaliton sa siyudad sa Cagayan de Oro aron nga mapangandaman ang maong pag-epekto niini sa katawhan.

Sa pakighinabi ngadto na sa tsirman sa CPCC nga si Atty. Edgardo 'Egay' Uy, nga angayang mangandam ang katawhan apan dili mataranta.

“Di lang siguro ta kanang magpanic, let’s just prepare pananglitan kinahanglan ta og basic commodities karon so andaman ta lang, atong gatan-awon ang effect sa El Niño although ang conception sa Pagasa is weak El Niño pero di gihapon dapat kumpiyansaan kay ang projection will go either way,” matud ni Uy.

Gidugang pa nga angayang dili mag panic buying o mataranta ilabi na diha sa pagpamalit og mga palaliton aron nga dili usab kini makaapekto ug posibleng mapahimoslan sa usa o pipila lamang ka mga indibidwal.

“Dili lang sad ta mag-panic buying resulta sab diha momahal ang presyo mawala ang supply basin duna nay motake advantage dili man pud maayo sa kadaghanan basta prepared lang ta,” pahimangno ni Uy.

Dili angayang mabalaka usab ang katawhan gumikan kay ang lokal nga kagamhanan sa siyudad nangandam niini apan angayang magtinabangay ug mangandam lang usab ang tanan.

“Ang CPCC, gobyerno, City Council Committee on Trade and Commerce, ang DTI, Department of Agriculture ug ang atong agricultural productivity office sa syudad nag tan-aw sab ani, kinahanglan preparahan lang gyud usa ka paagi diha once di na gyud malikayan is the declaration of state of calamity magamit na dayon tong pundo nga gigahin,” dugang niini.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph