14 angol

DOSE ka mga pasahero sa Ceres bus lakip na ang drayber ug konduktor nangaangol human ang ilang bus nadasmag sa nag-parking nga gas cargo truck sa lungsod sa Borbon, Sugbo.

Samtang sa lungsod sa Alcantara, usa ka German national nadisgrasya sa iyang gimanihong motorsiklo samtang sa lungsod sa Alcoy, 8 anyos nga babaye nadasmagan sa motorsiklo.

Sigun sa report sa Borbon Police nga usa ka gas cargo truck nga gimaniho ni Sergio Gastador nag-parking kilid sa karsada ug nag-atubang sa habagatang bahin sa Sugbo.

Sa dihang kalit lang gibangga-an sa usa ka Ceres Bus (plate no. JVJ-523) tungod sa giingong mechanical trouble.

Ang drayber nga si Mario Amasulo, konduktor nga si Jose Weber Oberes ug ang dose ka mga pasahero niini pulos nidangat sa Juan Dosado District Hospital.

Apan ang drayber ug konduktor daling gibalhin sa tambalanan sa dakbayan sa Sugbo tungod sa grabeng kadaot sa ilang lawas nga nahiagoman.

Didto sa lungsod sa Alcantara usa ka German national ang nadisgrasya samtang nagmaniho sa iyang motorsiklo.

Ang biktima giila nga si Torsten Sigglekow, kinsa gikan sa dakbayan sa Sugbo paingon unta sa Basdiot lungsod sa Moalboal.

Sa dihang niabot sa barangay Poblacion kalit lang usa ka iro ang nilabang hinungdan nga nadisgrasya ang langyaw. (DRT)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph