SA UNANG higayon, ang Philippine Accessible Disability Services Inc. (Pads) mopahigayog dragon boat competition isip fund-raising alang sa ilang pagsalmot sa umaabot nga Dragon Boat World Championships.
Ang 2019 Cebu City Dragonboat Regatta nga abli sa tanang mga paddlers himuon diha sa Bayfront Il Corso Mall, South Road Properties sa Mayo 4-5.
“This is event will also serve as our fund-raising activity for the program of the team. We hope to find support for the budget needs for the team when we compete in the World Championships,” matod ni Pads executive director JP Maunes sa SunStar Cebu.
Ang Pads maoy morepresentar sa nasod sa ParaDragon Division sa World Championships sa Aug. 20 sa Pattaya, Thailand. (RSC, JBM)