PULOS na lang saad ug way katumanan ang mga pasalig ni Mayor Tomas Osmena.

Labing uwahi niini mao ang pagdugang sa allowance sa mga huwes sa Sugbo, nga ang gidak-on sama sa ilang basic nga suweldo matag buwan.

Nagtuo si kanhi mayor Alvin Garcia, Kugi Uswag Sugbo (Kusug) mayoral bet, nga lisod kining molusot sa Commission on Audit (COA) kay maisip nga pagwaldas kini sa salapi.

For updates from around the country, follow Sun.Star on Twitter

Si Garcia nga giinterbyu sa Sun.Star Superbalita niingon nga seguro siyang supakon kini sa COA kay way igong rason nga hatagan og dugang allowance ang mga huwes base sa ilang nadawat nga sohulan.

Ang mga huwes dinhi sa siyudad nagdawatan og tag P5,000 matag buwan isip allowance gikan sa Siyudad.

Apan si Osmeña nibutyag nga iya kining himuon og labing minos P30,000 nga iyang gituohang maoy ilang basic nga suweldo..

Gitambagan ni Garcia ang mayor nga sa di pa unta mopagawas sa iyang saad, ikonsulta og una ang COA.

Gawas sa COA, konsultahon ang budget officer sa siyudad kon may igo bang salapi ang siyudad.

Ikatulo, susihon una sa mayor kon wa na bay kakuwangan sa iyang basic services sa di pa mogasto alang sa mga huwes.

Matod ni Garcia nga daghan pang mga serbisyo nga wa mahimo sa mayor sama sa libring tambal sa Cebu City Medical Center (CCMC),problema sa mga squatter, pagpaayo sa libaongun nga mga karsada. (JFT)