SA UNA pa lang nakong pagkakita sa teaser sa pelikulang Eerie sa Star Cinema pipila ka semana na ang nakalabay nakaingon dayon ko: “Ay... sinunod man ni sa The Nun.”
Pero sa paggawas na gyud sa official trailer nakaingon na sab ko nga: “Gawas sa mga madre sa istorya, makahahadlok sab ang istorya. Makatan-aw na sab ko ani ug makaulpot na sab sa lingkuranan.”
Tungod niining pelikulaha, mobisita sa Cebu sila si Charo Santos ug Bea Alonzo karon Marso 25 ug sa Marso 27, ablihan kini sa mga sinehan sa tibuok nasud.
•••
Sakto gyud ko si Lorna Tolentino gyud ang nagdala sa bag-ong karakter nga Lily sa FPJ’s Ang Probinsyano ug ko unsay mga sinalbahis nga iyang buhaton sa teleserye, mahibaw-an sa di madugay.
•••
Kon way kausaban, karong adlawa ug ugma na ang pagsalida sa dula nga Inday Paabuta Ako Sa Langit nga hatagan og kinabuhi sa mga sakop sa Al Evangelio Artists Stable (Aleas) ug ubos sa direksyon sa anak ni Al mismo nga si Lorenz Angelo.
Sinulat ni Don Buenaventura Rodriguez ang dula mahitungod sa usa ka gugma nga may mga babag ug nagkinahanglan og sakripisyo aron lang mahatagan og katumanan.
Ipasundayag kini sa CAP Art Gallery Auditorium sa Osmeña Blvd., Cebu City sa alas 10:00am, 1:00pm, 3:00pm ug 6:00pm.
Mahimo rang adto na mopalit og tiket sa CAP.
•••
Ang bag-ong teleserye sa GMA 7 nga Hiram na Anak mahitungod sa dakong gugma sa usa ka inahan ngadto sa anak diin human sa 10 ka tuig, nagkauban na usab sila si Yasmien Kurdi ug Dion Ignacio.
Kauban usab nila dinhi sila si Paolo Contis, Lauren Young, Empress Schuck, Rita Avila, Vaness del Moral, Sef Cadayona, Maey Bautista ug Leanne Bautista nga ubos kini sa direksyon ni Aloy Adlawan.
•••
Malipayong ika-70 nga adlawng natawhan kang Madam Rosita Ferrer sa Mabolo, Cebu City. Pagtimbaya gikan ni higalang Asher ug Jennifer Nacario.
•••
Natandog ko sa contestant sa Tawag ng Tanghalan sa It’s Showtime nga si Ruel Guaren nga namasin nga sa pag-apil niya sa bangga sa pagkanta, makita ug makaila niya ang iyang mga ginikanan nga nipasagop niya dihang gamay pa siyang bata.
Hinaut nga molampos si Ruel ug nga mobalik siya sa programa aron paghatag sa kasayuran.