DCGC Amigos nanganti depensahan ang titulo

ANG Davao City Golf Club (DCGC) Amigos nga midaug bag-uhay lamang sa Friendship Division sa 72nd Philippine Airlines Interclub golf team championships sa Cebu City, nagtumong nga ipabilin ang ilang magduduwa sa 2020 edition sa tinuig nga golf event.

Si DCGC team captain Rodolfo Luna, atol sa Davao Sportswriters Association (DSA) Forum sa The Annex sa SM City Davao, nagkanayon: “The land where DCGC course used to be located in Matina was already bought by a real estate development company.”

Dugang ni Luna nga gilantaw nila karon ang Apo Golf and Country Club (AGCC) nga himuong sunod nga lugar asa sila magbansay.

Ang abogadong si Alro Paglinawan, sa iyang bahin, nagpasalamat sa AGCC sa pagpanguna sa pangulo niining si Rhonson Ng sa pag-akomodar sa tim samtang nangandam sa PAL Interclub.

“Pinagamit kami ng libre sa Apo Golf para makapagpraktis. We are very much thankful. For next year’s tournament, we plan to send two teams. I think the venue will be in Clark, Pampanga.”

Sila Luna ug Paglinawan pulos nagduwa sa DCGC uban nila Edipolo Caturan, Ian Dagatan, Alvin Tesado, Ryan James Guiang, Randy Ceniza, Russel Mon Salazar, Godfrey Costinares ug Rommel Lee.

Ang 10-member team, apil na unom ka first-timers, mibugha og 306 points sa upat ka adlaw nga aktibidad, gipildi nila ang two-time champion South Cotabato Golf and Country Club (288).

Ang Iligan Golf and Country Club (259) nabutang sa ikatulo.

Ni Paglinawan nga ang hilig nila sa golf rason nga ang Amigos nagaduwa gihapon sa PAL Interclub bisan pa man og may kaugalingon silang golf course.

Si Salazar nagsulti nga ang ilang chairman emeritus nanawagan og tryout sa pagpili og magduduwa nga morepresenta sa tim.

Ni Paglinawan, “We are planning to continue competing now that we have become defending champion.”

Ang DCGC kasamtangang may 40 ka magduduwa. (MLSA)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph