SECTIONS
Monday, March 25, 2019
SUPERBALITA DAVAO

Linaw nga tinubdan sa tubig nihubas na

MAGUINDANAO -- Tulo ka lungsod sa probinsiya ang nagmulo na tungod sa kalisud nga ilang nasinatian gumikan sa kainit sa panahon o El Niño.

Sentro nga naapektuhan sa hulaw ang Datu Montawal, Pagalungan, ug Talitay sa nahisgutang probinsiya.

Samtang mokantidad na sa P147 milyon sa mga pananum ang gidaut sa hulaw.

Apan matud ni Maguindanao Governor Esmael Mangudadatu nga halos tibuok probinsiya na ang naapektuhan sa init ug posibleng madungagan pa ang mga dapit nga magdeklara og state of calamity.

Nasayran nga nihubas na ang dakong linaw sa Pagalungan, utlanan sa Datu Montawal sa nahisgutang probinsiya nga nagkonektar sa Pulangi River.

Ang linaw maoy gikuhaan og tubig alang sa basakan sa mga mag-uuma ug kini sab ang panginabuhian sa mga mangingisda.

Dili pa prayoridad sa kagamhanang probinsiyal ang cloud seeding gumikan mahal kaayo kini. Busa imbis igasto sa pagpaulan, itabang na lang sa mga mag-uuma.

Gitakda nga magpulong ang mga miyembro sa Sangguniang Panlalawigan sa Maguindanao sa posibleng pagdeklara og state of calamity sa tibuok probinsiya.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!