SECTIONS
Monday, March 25, 2019
SUPERBALITA DAVAO

85-anyos napaig sa sunog

ANTIPAS, North Cotabato -- Paig na nga nakaplagan ang 85-anyos nga lola human sa dakong sunog alas 12:45 sa kaadlawon niadtong Huwebes, Marso 14, sa nahisgutang probinsiya.

Giila ang biktima nga si Presca Bag-oman, minyo ug molupyo sa Barangay Poblacion, Antipas.

Subay sa taho gikan sa Bureau of Fire Protection (BFP)-North Cotabato, nasayran nga nakadawat sila og tawag gikan sa mga molupyo nga dunay natigayon nga sunog atbang sa Antipas National High School, kilid lamang sa national highway.

Abtik nga nagresponde ang mga bombero apan dako na kaayo ang kalayo sa dihang nahiabot sila sa lugar.

Naabo na ang balay sa pamilyang Bag-oman nga gama sa light materials.

Gisaysay ni Emma, apo sa biktima, nga nakamata sila nga dako na kaayo ang kalayo hinungdan nga nangambak na lang sila sa bintana aron maluwas.

Wala na sab makagawas si lola nga naglisud na og lakaw ug gilamoy na sab sa kalayo ang iyang kuwarto nga gitulugan.

Ang BFP-North Cotabato padayon nga nag-imbestiga sa hinungdan sa sunog ug ang gidak-on sa danyos niini.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!