SECTIONS
Saturday, May 25, 2019
SUPERBALITA DAVAO

Abogado gilipot pagtipi

ANG gituohang giatake sa kasingkasing, biktima diay sa pagpamusil ang usa ka abogado nga namatay niadtong Miyerkules sa gabii, Marso 13, gawas sa CitiMall sa dakbayan sa Tagum, Davao del Norte sa wala pa masayring suspek.

Nasayran gikan kang Senior Inspector Anjanette Tirador, Tagum City police spokesperson, sa pakighinabi niadtong Huwebes, Marso 14, nga ang abogado nailhan nga si Rex Jasper Lopoz, 42, molupyo sa Purok 9, Poblacion, Nabunturan, Compostela Valley. Namatay, matud pa, siya sa usa ka samad pinusilan sa likod sa iyang lawas.

Matud pa niya nga nakadawat sila og taho nga bandang alas 7:21 sa gabii ug sa nag-inusarang personahe nga nag-duty nga gipadala aron sa pagsusi sa insidente, apan ang imbestigador wala makarekober sa mga ebidensiya sama sa napabuto nga cartridge.

Mga tawo sab nga atua sa insidente nakadungog lang og buto sa pusil.

“Ang pagtoo lang nila kay gi-atake sa heart ang victim pero pag-abot sa hospital, ni-declare ang attending physician nga naa siya’y gunshot wound sa back portion sa iyahang lawas,” dugang pa niya.

Wala makuha sa pulis ang balinis tungod kay nagpabilin kini sa lawas sa biktima.

Padayon pa ang imbestigasyon aron nga palawman ang pagsubay sa kaso ug ma-ila ang suspek sa pagpamusil. Matud ni Tirador nga ang suspek posibleng nagsunod lang hangtud nga nakakita og higayon ug gipusil ang biktima.

Gitan-aw nila karon ang duha ka posibleng motibo sa pagpatay nga mahimong dunay kalambigitan sa trabaho sa biktima o kaha personal nga dumot. Apan bisan pa niini, wala nila gipadaplin ang bisan unsang motibo depende sa dagan unya sa kaso.

“Puwede siya related sa iyahang work kay attorney man siya daghan man siya’g ginagunitan nga kaso. In fact, daghan ni siya’g ginagunitan nga kaso sa anti-illegal drugs as defense counsel,” dugang ni Tirador.

Kahinumdoman nga niadtong 2017, si abogado Connie Villamor ang gipusil patay sa wala masayri nga riding-in-tandem nga mga suspek sa Apokon national highway samtang nagmaneho sa iyang sports utility vehicle (SUV) duol sa Tagum City National Comprehensive High School sa Purok Gabayan 2, Visayan Village alas 8 sa buntag.

Si Dyud Lopoz, sa iyang post, nanawagan og hustisya sa niyang sakop sa pamilya.

“It is with the deepest of grief that we inform you of the sudden, painful and violent demise of our brother, Rex Jasper “Tata” Lopoz. He passed away last night, March 13. He may had flaws. He may had frailties. But he deserved, as we all do, DUE PROCESS. He never got any!” matud pa sa Facebook post.

Matud ni Dyud nga ang patay nga lawas sa biktima naa sa panimalay sa Purok 9, Poblacion, Nabunturan.

Si Supreme Court Justice Lucas Bersamin nagpadayag og pahisubo ngadto sa wala damha nga kamatayon sa abogado ug dugang nag-awhag sa mga awtoridad nga dalion ang pagsulbad sa kaso aron nga maangkon ang hustisya sa iyang kamatayon.

“That’s very tragic because no human lives should be wasted on that matter, especially if you are a lawyer, who is serving because of justice. I cannot say any until I know more details. But I condemn killing, all killings should be condemn. I join the clamor for investigation to identify the killer or killers for that matter.

I call on the law enforcement agencies of the government to eradicate criminalities especially gun for hire or anyone who are disposed to any criminal activities because it has no place in our society,” butyag ni Bersamin.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!