Super Suroy: Sunset sa Sunken Cemetery, picture perfect

Sunken Cemetery: Morag painting ang hitsura sa pagsawop sa adlaw sa Sunken Cemetery sa Camiguin, base sa kasaysayan ang sam-ang milubog atol sa pagbuto sa Mt. Vulcan niadtong 1890s. (Charry Lane Coronel)
Sunken Cemetery: Morag painting ang hitsura sa pagsawop sa adlaw sa Sunken Cemetery sa Camiguin, base sa kasaysayan ang sam-ang milubog atol sa pagbuto sa Mt. Vulcan niadtong 1890s. (Charry Lane Coronel)

KON molaag ko, dili gyud mawala sa akong itinerary ang pagsaksi sa pagsawp sa adlaw sa usa ka lugar.

Usa sa mga lugar sa nasud ang adunay magical nga sunset mao ang Camiguin.

Nahimutang sa Northern Mindanao, ang gamay nga isla usa na sa labing dumugon sa mga turista ug sa iyang pagka-inila nga tourist destination.

Gawas sa nindot nga kadagatan, dinhi sab makita ang nabantog nga Sunken Cemetery diin giingong masaksihan ang labing nindot nga pagsawp sa adlaw.

Gitawag nga Sunken Cemetery ang maong tourist spot tungod kay niadtong 1870’s nibuto ang Mt. Vulcan sa isla hinungdan sa paglubog sa maong sam-ang.

Lahi sa ubang tourist spot sa Camiguin, itom ang balas sa kadagatan kun asa nahimutang ang Sunken Cemetery magsidlak-sidlak kini kon maigo sa hayag sa adlaw.

Gikinahanglan mosakay pa sa bangka padulong sa gitawag nila og dakong krus nga asa pwede magpa-picture.

Naila sab ang Sunken Cemetery isip diving spot diin makita ilawom sa dakong krus ang mga salin sa karaang sementeryo.

Tupad sa Sunken Cemetery nahimutang ang Old Church Ruins nga adunay 10 pesos nga entrance fee.

Gawas sa enchanted sunset setting sa Sunken Cemetery adunay lain pangmakatagbaw nga suroyan sa maong isla.

Church ruins

Usa ka historical spot sa Camiguin nga kaniadto gitawag og Guiob Church nga naguba sab atol sa pagbuto sa Mt. Vulcan niadtong 1870s.

Karon, ang nindot nga architectural style sa bongbong sa simbahan maoy magdala kanimo sa kasaysayan sa isla.

Katibawasan Falls

Kon gikapoy na sa tibuok adlaw nga paglaag sa isla, haum pang relax ang pagkaligo sa bugnaw nga Katibawasan Falls ang labing taas nga busay sa isla, may sukod nga 250 feet.

White Island

Gipasigarbo sab sa Camiguin ang White Island tungod sa puti nga sandbar nga adunay view sa Mt. Hibok-Hibok.

Mokabat sa P50 ang entrance fee samtang P450 ang bangka nga adunay 6 passenger-capacity padulong sa White Island.

Mantigue Island

Ayaw sab sipyata ang pagbisita sa Mantigue Island nga nahimutang sa kinatumyan nga bahin sa Camiguin.

P50 ang entrance fee samtang P600 ang bangka padulong sa isla.

Tambag lang nga likayan pagbisita sa Camiguin matag panahon sa amihan sanglit pipila sa boatmen dili modawat og byahe padulong sa White Island ug Mantigue Island gumikan sa dagkong balud.

Ardent Hot Spring

Kon trip nimo ang hot spring, hapita ang Ardent Hot Spring nga aduunay mga cottage nga paabangan ug P50 ang entrance fee.

Adunay level sa kainiton ang maong spring nga moabot ngadto sa 40 degrees celcius. Giingong ang init nga tubig gikan pa sa Mt. Hibok-Hibok.

Daghang naglaray nga resorts ug pension house sa Camiguin nga budget-friendly.

Sa makausa pa, pahinumdum sa matag traveler “take nothing but pictures, leave nothing but footprints.”

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph