SECTIONS
Sunday, March 24, 2019
SUPERBALITA CEBU

Dili ko narcopolitician: Veloso

Leyte 3rd District Representative Vicente "Ching" Veloso (Tampo nga hulagway)

VILLABA, LEYTE- GIHIMAKAK ni Leyte 3rd District Representative Vicente "Ching" Veloso nga nalambigit siya sa ilegal nga drogas human nalakip siya sa bag- ong 'narcolist' nga gipagawas ni Presidente Rodrigo Duterte niadtong Huwebes, Marso 14.

"Gidisiplina mi sa among amahan nga ampingan among pangan. Bisan pag inom, sigarilyo, sugal ug labi na ang droga, kontra kaayo na nako," sigon ni Veloso sa iyang pakighinabi sa Superbalita Cebu.

Matod ni Veloso nga "politically motivated" ang pagkalakip niya sa bag-ong narco-list sa Presidente.

Gihulagway ni Veloso nga tinalawan ug way klarong basehan ang gihimo sa kontra niya sa pulitika nga maoy gituhoang paluyo niini.

Sigon ni Veloso, gigamit lang ang Presidente ug klaro nga malisyuso ang pagkalakip kaniya.

Niadtong Oktubre 2016, si kanhi Albuera, Leyte mayor Rolando Espinosa Sr., amahan ni Kerwin Espinosa, mipagawas og affidavit nga naghisgot sa mga opisyal sa gobyerno ug police nga gipasanginlan nga protektor sa iyang anak.

Lakip sa listahan si Veloso ug ubang dagkong opisyal sa gobyerno.

Apan sa Senate hearing, gipangutana ni Senador Panfilo Lacson si Kerwin kung apil ba si Veloso, apan matod ni Kerwin, di sila kaila ug wa silay transaksyon sa maong kongresista.

Niingon sad si Veloso nga suportado niya ang anti- illegal drug campaign sa Presidente.

Matod ni Veloso nga mi donar pa siya og kahimanan sa Philippine Drug Enforcement Agency (PDEA) Eastern Visayas aron magamit sa ilang operasyon.

Dugang ni Veloso nga mismo pa si PDEA-Eastern Visayas Director Edgar Jubay ang miingon kaniya nga wala siya sa listahan isip narco politician.

Atol sa iyang panumpa sa Villaba, Leyte niadtong 2016, gibutyag usab ni Veloso sa publiko ang pipila ka pangan sa dagkong drug personalities sa lungsod ug giawhag nga mo surrender.

Giangkon ni Veloso nga duna sab siyay kabalaka sa iyang seguridad gumikan sa mga insidente karong panahona hilabi na kung maapil ka sa listahan.

Matod ni Veloso nga emosyonal kaayo iyang pamilya pagkahibawo sa balita ug hilabihang hilak niini.

"Dont worry, this is only a storm. Mo labay ra ni. I will continue to run and run and run until we all win," pasalig ni Veloso.

Sa maong kontrobersiya, magtigom ang mga miyembro sa oversight committee on Dangerous Drugs sa kamara aron tukion ang isyu.

Sa maong meeting, susihon ni Veloso ang mga rason nganong naapil siya sa listahan ug kinsa ang nagpaluyo niini.

Kung mahibaw-an, planong musang-at ug reklamo si Veloso gumikan sa pagguba sa iyang dignidad ug pangalan.

Nakahibawo na usab si Veloso nga gipasakaan na usab siya og reklamo sa Ombudsman sa pagkalakip niya sa narcolist.

Gihagit sad ni Veloso ang si Philippine National Police (PNP) director General Oscar Albayalde ug PDEA national director Aaron Aquino nga pamatud-an ang alegasyon nga siya kay usa ka narcopolitician.

"I already challenge them. If you can prove that I am a narco politician, I will resign. But on the other hand, if you have no proof, I dare you to resign kay usik usik lang ang sweldo namo sa inyo," hagit ni Veloso.

Kampante naman si Veloso nga di kini makaapekto sa iyang subling pagpapili isip konresista. (JKDP)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!