SUPERBALITA CAGAYAN DE ORO

Sugbongcogon himuong Orchid Capital sa MisOr

LARAW karon sa kagamhanan sa probinsya sa lalawigan sa Misamis Oriental nga madugangan og tourist spot ang lungsod sa Sugbongcogon, Misamis Oriental.

Gibutyag ni Misamis Oriental Governor Bambi Emano nga karon nga nagsugod na ang operasyon sa Tissue Culture Laboratory sa maong lungsod, tsansa na kini nga maunay ang lungsod nga maka culture og saha sa mga orchid aron mas modaghan sa lungsod ug bisitahon sa mga turista.

“I want Sugbongcogon to become an Orchid Capital in the Province nga mabisitahan dayon sa atong mga turista dungan sa ilang pagbisita sa Mantianak Zoo, Lagbas Ancestral House ug uban pa,” matud ni Emano.

Kini butang nga sobrang gikalipay ni Sugbongcogon Mayor Mildred Lagbas

Mondigo.

Mensahe niini, nga ang katukoran sa bag-ong pasilidad bag-ong kalamboan kini sa iyang lungsod taliwala nga anaa sa ika 5th class municipality sa lalawigan.

“We are the only 5th class municipality but we are the booming and blooming town. Dako kaayo akong kalipay sa pagblessing ug launching sa tissue culture nga taliwala sa kagamay sa lungsod nga napili sa probinsya nga dinhi ibutang ang tissue culture,” pasiuna ni Mondigo.

“Malipay kami nga magsugod na kay this is an opportunity for us dinhi sa lungsod nga maka link to different national agency, kay we really need the help of our external funding agency kay gamay kaayo atong lungsod,” pasabot niini.

Daw oportunidad sab kini sa iyang mga residente sa lungsod.

“This is a very good opportunity for us. Gisuportahan sa DA (Department of Agriculture) ang abaca production, excited ko kay naa nay nag-propagate nga abaca ug kami ang makauna,” matud Mondigo.

“Isa pod sa akong na excited nga dili lang kini limited sa abaca to banana but as well as propagation of orchid since we already have our Mantianak zoological and botanical garden so fit na pod diha atong orchid,” dugang niini.

Malaumon kining dako kini og ikatabang sa lungsod kay taliwala sa kagamay niini iyang paningkamotan nga mosikat ang turismo sa lungsod.

“Hopefully dako ni og ikatabang sa atong lungsod kay tungod sa kagamay sa lugar ug resources, atong paningkamotan ang pag-boost sa tourism industry sa atong lungsod. So kung more orchid and they are coming in to Sugbongcogon because of this orchids, kay ang uban nakasuroy naman sa Mantianak ang atong uban bisita moingon man gyod nga unsay dugang nga naa napod para mobalik mi sa inyong lungsod? So dugang napod na nga kalihokan ug bag-ong talan-awon sa atong lungsod,” butyag niini.

Dako sab kaayo ikatabang ang produksyon sa abaca sa ilang lungsod nga karon gisugdan na.

“Kining abaca dako og katabang sa atong farmers tungod kay nagsugod nata niini. Walay imposible niining tanan kinahanglan magsirit gyod ang ihi (increase household income) dinhi sa atong lungsod,” dugang ni Mondigo.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph