SECTIONS
Tuesday, March 26, 2019
SUPERBALITA CAGAYAN DE ORO

Sex bugti sa grado

UBOS sa imbestigasyon karon ang usa ka maestro kinsa giingong nakig-textmate sa iyang mga tinun-an sa lungsod sa Tagoloan, Misamis Oriental.

Tulo ka mga dalaga, nagpangidaron og 20 anyos, ang graduating sa kursong Criminology sa usa ka community college sa dapit ang nagpa-blotter sa Tagoloan Police Station niadtong niaging semana.

Kini aron ireklamo ang usa ka maestro sa Criminology department.

Nibutyag si Police Senior Inspector Princess Joy Enriquez, tigpamaba sa Misamis Oriental Provincial Police Office, nga gibutyag sa mga biktima human nila og enroll niaging tuig Mayo 2017 nga adunay nagsige og text text kanila nga usa ka wala mailang numero.

“Nakuha niya ang numero sa mga estudyante diha sa enrollment form kay gibutang man ang ilang contact number,” matud ni Enriquez.

Uwahi ilang nahibaloan nga ang ilang ka text ila diay’ng maestro kay nagpaila naman kini sa iyang identipikasyon.

Daw lakip sa mga text-text niini mao ang pag-aghat sa iyang mga tinun-an nga mosuroy sila sa dakbayan sa Cagayan de Oro, apan wala misugot ang mga dalaga dungan daw pagsige og panguyab kanila.

Ning bulan sa Marso, mogradwar naman ang tulo giingong nagsige og text na usab kining maestro kon diin usa sa gihaylo nga grado aron mopasar daw bugti sa pakighilawas.

Tungod sa kahadlok sa mga tinun-an, ila kining gi-report sa kapolisan ug mismo sa ilang tunghaan.

Sa pagkakaron, wala pa naghatag og pahayag ang tunghaan ug kasamtangang gipasaka pa ang kaso batok sa suspek.

Dugang ni Enriquez nga ni aksyon na usab ang Department of Education niini tungod kay ang Commission on Higher Education gipatawag na ang maong maestro aron kini imbestigahan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!