SECTIONS
Saturday, May 25, 2019
SUPERBALITA CAGAYAN DE ORO

Kapulisan: Solidarity walk dili himuon nga political rally

GIHANGYO sa kapulisan ug sa nagkadaiyang sektor ang mga politiko sa pagtambong sa Solidarity Walk for Peace, apan dili magdala og mga campaign materials atol sa maong kalihokan aron dili mahimong political rally karong Sabado sa buntag, Marso 16.

Sugdan mga alas 6 sa buntag ang kalihokan sa Rodel sa Circle paingon sa Kiosko Kagawasan, Divisoria, dakbayan sa Cagayan de Oro.

Matud ni Police Superintendent Mardy Hortillosa, tigpamaba sa Cagayan de Oro Police Office, nga ilang giklaro ilabi na sa mga politiko nga motambong sa maong kalihokan nga dili na lamang magdala og mga plakard ilabi na dunay mga nakabutang nga ngalan sa politiko nga “vote for” ug uban pa.

“Gi-usab namo ang invitation, gibutang gyud namo, we humbly request nga dili sila magbutang og campaign materials like placards, flyers, mga supporters nila kay para dili mahimong political rally atong himoon,” matud ni Hortillosa.

Gipasabot niini, nga tumong niini nga gipanghingusgan nga kalihokan mao nga mapakita nga nagkahiusa ang tanan dili lamang alang sa limpyo, hapsay ug malinawon nga eleksiyon, apan lakip na sa kalinaw sa dakbayan.

“Kani siya intensyon ni siya nga dili political rally kun dili para mapakita nato nga kitang tanan sa Cagayan de Oro gusto og kalinaw,” dugang niini.

Giklaro usab niini nga kini nga kalihokan alang sa tanan.

“Kini atong gihimo dili lang ni para sa politiko kundili para ni sa tanan sa Cagayan de Oro kung kaya sa tanan nga motambong, mopirma sa pledge of commitment nga gusto kag magmalinawon ang Cagayan de Oro pwedi mopirma,” matud niini.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!