NAGPLANO si national coach Yeng Guiao nga magporma og dagko nga lineup alang sa kampanya sa Team Pilipinas sa 2019 FIBA Basketball World Cup nga ipahigayon karong Agusto 31 hangtod Septiyembre 15 sa China.
Ang gimithi nga lineup ni Guiao naglangkob nila ni Gabe Norwood isip pointguard, Jordan Clarkson o Marcio Lassiter sa two-guard, Troy Rosario sa small forward, Japeth Aguilar sa big forward ug naturalized player Andray Blatche isip sentro.
“Yes, we need some changes in terms of approach,” matod ni Guiao sa interbyu sa Spin.ph.
“We need to go big in the World Cup and, to do that, we need to make some changes. We have to convert someone like, say, a Troy Rosario, who is used to playing four his whole career, into a full-time winger. And we may need to ask Gabe to go back to being the point guard.”
Hinuon giklaro ni Guiao nga dili niya intensyon nga di na mogamit og gagmay nga lineup nga sama sa gibuhat ni Gilas Pilipinas coach Chot Reyes nga nakapakita sab og saktong labok sa 2014 nga edisyon sa World Cup nga gipahigayon sa Spain.
Gipasabot ni Guiao nga usa lang ka opsyon ang pagporma og dagko nga lineup ug iya kining gamiton sa panahon nga sa iyang tan-aw kinahanglanon.
“Small ball is our natural lineup. So we’ll still be doing that, lalo na kapag andyan sina Paul (Lee), Jayson (Castro) at RR Pogoy sa loob,” dugang ni Guiao.
“But against those [World Cup] teams, we need to have that option to field a big lineup. And we need to prepare for that option. Hindi pwedeng bigla mo na lang gawin kapag andun na tayo.” (ESL)