SECTIONS
Wednesday, June 26, 2019
SUPERBALITA CEBU

Tambagi ko Noy Kulas: Di pa ready

DEAR Noy Kulas,

Tawga lang ko sa ngan nga Meo, 25, taga Cebu apan nia na sa Manila nag-work.

Naa koy kauban nga babaye nga itago lang nato sa ngan nga Babe. Mag one year na ang among relationship ug mao nga gidugayon, daghan na naay nahitabo namo. You know what I mean. In love mi sa usag usa. Close kaayo mi kay magsige mi og kuyog bisan asa. It’s always a date almost everyday.

Naproblema ko kay everytime nga maghisgot ko og minyo, molikay siya. Di siya ganahan mag-discuss mi nga unta babaye man siya. Kaila na ko sa iyang family ug nadala na siya nako diha sa Cebu.

Ni-explain siya nga mahadlok pa siya mosulod sa married life kay di pa siya ready. Ganahan pa siyang malingaw sa pagkadalaga ug di ko ma worry momabdos siya kay nag-amping siya nga moburos. Gusto na kong magminyo pero siya maoy di.

Unsaon kaha nako siya pagkombinser, Noy? Ako siyang giingnan nga unta makahuna-huna na siya sa pagminyo kay we are not getting younger. Mahadlok ko nga mawala siya nako. Unsa kahay akong buhaton? Daghan kaayong salamat.

MEO

Meo,

Nakasabot kaayo ko sa imong worry nga mahanaw unya ang babaye nga natingban sa imong pagmahal. Maorag kitang tanan niagi ana nga stage but, daghan usab nato ang nakaamgo nga magbalikbalik ang mao nga worry matag sud nato sa lain nga relasyon. Sagad nato moagi sa process of selection, babaye man o lalake.

Ayaw pamugos sa pagpakigminyo niya kon niingon siya nga di pa siya ready sa pagsulod sa mao nga kinabuhi bisan tuod kon nagbuhat na mo sa gimbuhaton sa magtiayon. Magpasalamat gani ka nga naay babaye nga bisan tuod ingon niana ang estado sa inyong relasyon, nakaprangka nga di pa siya ready.

Maybe, pasabot niya di pa siya mentally ready. Lisod baya ang kinabuhing minyo.

Kon minyo ka, you work on a budget, mag program sa finances, mag play mo sa tagsa ka role ninyo ug ang labing lisod, ang pag-atiman sa anak. Hayan, kini nga mga butang gusto pa niyang likayan.

Huwata kon moingon na siyang ready na siya. Kon mobiya siya, let her go. Makakita ra ka og kinsa ang gitagana kanimo sa Ginuo.

NOY KULAS

Alang sa imong problema, e-mail sa kulassuper@sunstar.com.ph ug rojval69@yahoo.com


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph