SECTIONS
Tuesday, March 26, 2019
SUPERBALITA CEBU

Piniriso makabotar gihapon

MOABOT sa 2,560 ka mga piniriso sa Cebu City Jail ug Cebu Provincial Detention and Rehabilitation Center (CPDRC) nga kwalipikadong mga botante, ang makabotar sa adlaw mismo sa piniliay karong Mayo 13 ning tuiga.

Apan dili hinuon dad-on sud sa mga prisohan ang vote counting machines (VCM) nga maoy gamiton sa pag-ihap sa mga botos, sanglit adto lang kini sa regular nga polling precincts.

Ubos sa Supplemental Resolution 10482 sa Commission on Elections, nalatid ang mga lagda ug mga regulasyon sa pagbotar, pag-ihap ug pag-canvass alang sa mga person deprived of liberty (PDL) voting. Kini na-promulgate niadtong Enero 16. 2019.

Ang Section 1 sa resolusyon nag-ingon nga magtukod og special polling places sa mga prisohan nga dunay 50 ka mga PDL o piniriso nga rehistradong mga botante sa usa ka munisipyo o siyudad.

Ang PDL kay mga detinado, piniriso o indibidwal nga nabilanggo o ubos sa kustodiya.

Si Kate Dy, election assistant sa Comelec Cebu City South District, niingon nga adunay 27 ka special polling precincts ang umolon alang sa maong gidaghanon sa mga bilanggo sa duha ka mga prisohan nga pulos nahimutang sa Barangay Kalunasan, siyudad sa Sugbo.

Sa 2,560 ka rehistradong mga bilanggo, 1,618 ang naa sa CPDRC samtang 942 sa Cebu City Jail.

Sumala ni acting Cebu Provincial Election Supervisor Jerome Brillantes ang matag prisohan nga ubos sa pagdumala sa Bureau of Jail Management and Penology (BJMP) ang dunay special electoral board (EB) nga langkoban sa tulo ka mga magtutudlo nga maoy modumala sa special polling precinct.

Matag special polling precinct dunay 50 ka mga bilanggo ang makabotar. Tugotan sila makapili og mga kandidadto gikan sa national, partylist ug lokal.

Hangtod sa alas 3:00 sa hapon ang gitugot nga oras nga makabotar ang mga binilanggo. (SCG)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!