SUPERBALITA CEBU

Shabu nga P3M gisud sa condom

Condom: Si Jemmar Layaguin (tuo), taga Brgy. Bagacay, Siyudad sa Dumaguete, Negros Oriental, nakuhaan og shabu nga gipangsulod sa condom sa buy bust sa Philippine Drug Enforcement Agency (PDEA) 7. (Arnold Y. Bustamante)

GITUOHANG sakop sa usa ka dakong sindikato sa pagpayuhot sa illegal nga drugas sa syudad sa Dumaguete ang nasikop sa buy bust operation sa mga sakop sa Philippine Drug Enforcement Agency 7 Biyernes sa buntag, Marso 15, sa sulod sa usa ka convenient store sa N. Bacalso avenue, Barangay Sambag 1, syudad sa Sugbo.

Motimbang sa 500 grams ang nakuha sa kapulisan nga gisulod sa upat ka condom nga giputos usab sa itom nga plastik.

Ang shabu gibana-banang mobalor og P3,400,000.

Ang nasikop mao si Jemmar Layaguin, 29, taga Barangay Bagacay, siyudad sa Dumaguete.

Si Layaguin gitumbok nga bag-ong drug player apan tungod sa kadaghan nga nakuha kaniya matawag na siya nga high value target.

Matod ni Investigation Agent 5 Thessa Albaño-Tiuzen, acting Regional Director sa PDEA-7, dul-an usa ka buwan nila nga gipanid-an si Layaguin.

Gituohan sa PDEA 7 nga sakop sa usa ka dakong sindikato si Layaguin tungod sa kadaghan sa drugas.

Gikan sa sa syudad sa Sugbo ang illegal nga drugas ug dalhon unta sa Barangay Bagacay, usa sa mga problemadong lugar sa drugas sa Siyudad sa Dumaguete. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph