ANAA sa 45 ka teams ang magtigi sa unom ka kategoriya sa 82nd Araw ng Davao Get Into Rugby Festival nga sugdan Sabado, ug Dominggo, Marso 16-17 sa Tionko field, Quimpo Boulevard, Barangay 76-A, Davao City.
Si Philippine Rugby Football Union (PRFU) regional development officer Blessie Kate delos Santos nagsulti niini atol sa Davao Sportswriters Association (DSA) Forum sa The Annex sa SM City Davao, Huwebes.
“This is the sixth Araw ng Davao edition and this will serve as qualifying or tryout for top players who will form the Davao City team that will compete in the Batang Pinoy 2019 national finals.”
Ang two-day meet mag-feature sa under-12 touch (elementary boys and girls), u16 touch (secondary boys and girls) ug Durians Tag League (juniors and seniors) categories.
Sa u12 touch, ang teams moduwa sa single round robin format sa eliminations diin ang top four teams moabante sa Cup Division semifinals.
Ang modaug moduwa sa nagkadaiya nilang divisional championships samtang ang pildi magtigi sa ikatulong pwesto.
Sa U16 touch ug Durians Tag League, ang single round robin format i-aplay sa top two teams diin sila ang mag-ilog sa titulo samtang ang sunod nga duha ka tim, mag-ilog sa third place.
Ni Delos Santos nga ang top three teams per Cup Division modawat og tropeyo, medalya gikan sa city government of Davao pinaagi sa Sports Development Division of the City Mayor’s Office.
Ang most valuable players duna say medalya ug tanang partisipante modawat og sertipiko.
Ang torneyo giisponsoran sa PRFU ug gisuportahan sa Deparment of Education Davao City Division, Philippine Sports Commission, Mindanao Rugby Football Development, Inc., SOS Children’s Village Davao, Jollibee, DHL, POT Bellied Pigs RFC Hong Kong, Goodsource Business Services, Inc., Davao Sportswriters Association ug Girls Got Game Mindanao.