SECTIONS
Sunday, March 24, 2019
SUPERBALITA DAVAO

LMP nalipay, way narco-politician sa DavSur

DAVAO DEL SUR -- Gihangop sa League of Municipalities of the Philippines (LMP) ning probinsiya nga way mga nalambigit nga mayores sa gipaguwang listahan ni Presidente Rodrigo Duterte, Huwebes sa gabii, Marso 14.

Gibutyag ni Hagonoy Mayor Conrado Laza, pamuno sa LMP-Davao del Sur, nga suportado sa tanang mayores ang kampanya sa pamuno nasud batok sa ilegal nga druga.

Si Laza nagkanayon nga kanunay nagpasidaan ang mga mayor ngadto sa tanang hepe nga pakusgan pa ang kampanya batok sa ilegal nga druga.

Bisan si Digos City Mayor Joseph Peñas, nagbutyag nga mas maayong di na lang mopadayon sa pagdagan o pagpanerbisyo sa katawhan ang usa ka politiko nga nag-apil-apil sa druga.

Gani, bisan mga kawani sa city hall gipasidan-an niini nga mohawa na lang sa ilang trabaho kon nalambigit sa ilegal nga druga.

Giklaro sa mayor nga tungod sa gipakusgang intelligence monitoring sa City Drug Abuse Council (Cadac), dali rang mahibaw-an kon kinsa ang mga nagpayuhot og druga sa dakbayan.

Samtang, si Duterte nagbutyag nga 46 ka mga politiko ang nalakip sa narco-list lukop nasud ug gikasohan na sa Department of Interior and Local Government (DILG) ngadto sa buhatan sa Ombudsman. (Orlando B. Dinoy)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!