SECTIONS
Monday, May 20, 2019
SUPERBALITA DAVAO

Mga Montawal nilimod apil sa illegal drugs

CENTRAL MINDANAO -- Hugtanon nga gipanghimakak ni Datu Montawal Maguindanao Vice Mayor Datu Otho Montawal ug anak niya nga si Mayor Datu Vicman nga nalambigit sa pagpayuhot og gidiling druga.

“Alam ng Panginoon at ng taong bayan sa Datu Montawal na kailan man ay hindi kami sangkot sa druga,” pagklaro ni Vice Mayor Datu Otho.

Pamatuod niini mao matud pa ang ang gipalig-on nga war on drugs sa Datu Montawal isip suporta sa kampaniya ni Pangulong Rodrigo Duterte.

Kahinumdoman nga nagpagawas og shoot to kill order si Montawal sa mga nalambigit sa illegal drugs nga mosukol sa mga pulis ug sundalo.

Samtang, reward money sab sa mga tawo nga makadakop buhi man o patay sa mga drug pushers, drug protector, druglord ug uban pa.

Nahiapil ang mag-amahan sa una nga narco-list nga gipapagawas ni Pangulong Duterte ug karon nagpabilin gihapon sila sa listahan sa Presidente.

Tungod sa war on drugs sa LGU-Datu Montawal, nagpagawas og sertipikasyon ang Criminal Investigation and Detection Group (CIDG), Philippine National Police (PNP), ug Philippine Drug Enforcement Agency (PDEA) nga wala malambigit ang mag-amahan sa illegal drug trade.

Dugang ni Vice Mayor Datu Otho nga biktima lamang sila sa sayop nga pagpanglimbong ug pagpangdaut sa mga opisyal sa kagamhanan nga dunay kaugalingong interes sa ilang trabaho ug magpahumot sa Presidente.

Sa pikas bahin, gipaboran sab sa korte ang motion to squash o walay legal nga basihan ang raid sa mga pulis sa balay ni Montawal sa Brgy. Talapas gumikan daghan kining gilapas nga tawhanong katungod.

Giklaro sa Vice Mayor nga dakong hagit kanila ang daghang pagsuway apan wala sila mawad-an sa paglaum gumikan anaa sila sa tama ug walay gilapas sa balaod.

Matud nila nga ang Diyos na lang nahibalo ug katawhan sa Datu Montawal nga wala sila malambigit sa gidiling druga. (Edgar E. Fuerzas)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!