MIABOT na og Davao City ang patay’ng lawas sa komedyanteng si Chokoleit o Jonathan Aguilar Garcia.
Alas 3:15 Biyernes sa hapon, sakay sa Philippine Airlines ang patay nga lawas sa komedyante diin uban sa mibiyahe ang igsuon niyang si Gerald Tabanag, iyang half-brother.
Sa Facebook chat sa Superbalita Davao kang Tabanag gisulti niini nga dili bukas sa publiko ang haya sa komedyante, apan sa kinsa mang mohangyo nga makita siya, ilaha kini nga ginatugutan.
“Hi?? It’s not really for public viewing. However, if someone asks or messages me if they can come and visit, I always say yes.”
Si Chokoleit gihaya sa usa ka dakong punerarya dinhi sa siyudad.
Di lamang nato ibutang ang ngalan sa punerarya alang sab sab sa privacy sa pamilya.
Marso 14 una giuli ang komedyante sa Davao, mihimo pa og ispesyal nga programa alang sa namatay ang iyang mga higala, samtang siya gihaya siya sa Paket Santiago Funeral Homes sa Antipolo City.
Sabado sa gabii, Marso 9, giatake sa kasing-kasing si Chokoleit, samtang nagperform kini sa usa ka show sa Abra.
Misaba ang ngalan ni Chokoleit dihang nahimo siyang parte sa seryeng “Marina” niadtong 2004.
Giingkong Marso 17, i-cremate ang patay’ng lawas sa komedyante.
Tuig 2009, usa ka trahedya sab ang mihapak sa pamilya sa komedyante human nasunog ang ilang balay sa Coca Cola Village sa Matina, Davao City diin apil sa nasunog ang iyang inahan. (Rhona Goc-ong-Villariasa)