SECTIONS
Monday, March 25, 2019
SUPERBALITA DAVAO

Nagpagilok sa sementeryo, nasakpan sa bana

GIPANGDALA sa San Pedro Police Station ang reklamante nga bana ug ang iyang asawa lakip na ang gireklamo nga traysikol dryaber gumikan nasakpan sila didto sa sementeryo nga naghalok.

Alas 2:25 Biyernes sa kaadlawon, nasakpan sa bana nga si Jomar (bansagon gitago), 29, ang iyang asawa nga si Nancy, 30, nga nakighalok sa traysikol drayber sa Wireless Cemetery, Barangay 9-A, Poblacion Davao City.

Una niini, gisundan sa bana ang iyang asawa gikan sa palengke sa Bankerohan, ug iyang nakita nga misakay kini og traysikol nga gimaneho ni Roger, 26, didto sa Father Selga Street, Barangay 6-A.

Misutoy og padagan si Roger ug naabot sila sa ngitngit nga bahin sa sementeryo kinsa giayo sab og iring-iring sa asawa.

Didto sa ngitngit nga bahin, ibabaw sa lubong, nagpininsingay sa duha nila ka mga dila si Nancy ug Roger nga maoy nakapahugno sa kalibutan sa bana.

“Kung wala pa nako nasakpan, dili lang kiss-say ang mahitabo nila, mag-jerjer gyod to sila kay miaksyon naman og higda sa ibabaw sa pantyon akong asawa,” sulti sa bana nga nahinabi sa Superbalita.

Depensa ni Roger, “Wala gyo’y nahitabo namo, alangan pasahero man, ihatud nako kung asa siya magpahatud, kadto lang seguro nidikit ko niya kay nangayo kog number.”

Si Nancy namahayag, “Nagpahatud ko sa sementeryo kay basin naay motor didto padulong sa Madapo Hills, unya nangayo lang gud og number ang drayber, didto mi sa ngitngit nihunong kay monaog ko, ingon ko wala koy number, wala man koy cellphone. Mao tong nasumbagan sa akong bana ang drayber,” ingon ni Nancy.

Ang mga nahisgutan gipangdala sa San Pedro PNP apan dangtan og 20-minutos human sila ma-blotter nahusay sila ug gikatakda nga magtiwas sila og husay sa barangay.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!