SECTIONS
Saturday, May 25, 2019
SUPERBALITA DAVAO

Daghan tattoo nga demonyo

DAVAO. Si Jonas Martel Bueno ang giingong suspek sa pagpatay sa 16-anyos nga dalagita sa Lapu-Lapu City Cebu, nga milugos ug mipanit sa nawong sa biktima, nasikop sa otoridad sa Davao City, Biyernes, Marso 15. (CIDG-Davao)

NAAY daghang demonyo nga tattoo sa lawas ang person of interest sa pagpatay sa 16-anyos nga dalaga didto sa Lapu-Lapu City, Cebu, kinsa nasikop sa otoridad sa Davao City Biyernes sa hapon, Marso 15.

Subay sa sketchy report sa National Bureau of Investigation (NBI)-Davao giila ang suspek nga si Jonas Martel Bueno.

Sumala sa otoridad nga wala giangkon sa suspek ang maong salaud.

Sa lawas sa suspek, dunay daghang tattoo sa demonyo ug dunay nakasuwat nga “Pitogo”.

Ang operasyon gilusad sa otoridad sa dakbayan sa Davao subay sa pagpatuman sa warrant of arrest nga gipagula sa korte sa Danao City, Cebu sa kasong pagpatay kang Trinidad Batucan, 60, mag-uuma, taga Danao, Cebu.

Si Batucan gipanitan ang nawong ug dughan. Susama sa nahitabo ni Batucan, ang 16-anyos nga dalaga nga si Christine Lee Silawan, gipanitan sab ang nawong.

Giingon sa suspek nga milupad siya gikan Cebu padung sa Matina ning dakbayan diin siya mipuyo.

Usa ka impormante ang mipahibalo sa kapulisan sa Talomo Police Station hinungdan gilusad ang operasyon.

Sa kasamtangan, gikustodiya ang suspek sa NBI-Davao kinsa nakatakda suma pa nga atubangon ni Pangulong Rodrigo Duterte.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!