MANAGLAHI ang reaksiyon sa relihiyosong sektor sa simbahan kalabot na sa pagtugot sa “death penalty” sa nasud alang sa mga nakahimo og grabeng kriminalidad.
Matud ni Bishop Loreto Lugatiman, president/founder sa Jesus Christ Cornerstone Global Ministries Inc., nga sa gibutyag sa bibliya nga ang mga klase niini nga tawo wala na kini nagkinahanglan og proteksiyon sa balaod gumikan kay sila mismo ang walay kahadlok sa bala-od ilabi na sa paghimo og mga krimen nga sobra pa sa hayop ug walay kalooy.
Sama na lamang sa nahitabong grabe ka niluog nga pagpatay sa 16 anyos nga dalaga sa Cebu diin gipangtangtangan og internal organs ug gilangkat pa ang panagway ug gidunggab-dunggab sa ika-30 ka higayon.
“Kana nga mga ingon ana nga klase nga tawo they don’t need the protection of the law anymore because they violated the law of God and the law of man, ingon ang bible the wages of sin is death,” matud ni Lugatiman.
Gidugang pa usab niini nga nakasala na kini sa balaod sa Diyos ug sa tawo ug ang Ginoo na mismo ang nag-ingon ug gani ang mga kaaway niini, “’An eye for an eye, a tooth for a tooth’, base sa word of God they don’t deserve, sa bible kana gani kaaway sa Ginoo ‘kill them all, show them no mercy’. Ginoo na nag ingon, kami nag represent raman mi sa word of God among gi-deliver to the best knowledge that we know ang Ginoo dili supak patyon ang mga dautan, it’s God said with His word,” dugang niini.
Samtang supak usab ang Simbahang Katoliko sa Cagayan de Oro pinaagi na usab pagdumala ni Bishop Antonio Ledesma ug bisan pa.
“Pasayloa ko dili man ko moingon nga sayop si Bishop Lugatiman apan sa Simbahang Katoliko ‘God has given man life’ so ang Ginoo ra pud ang may katungod mokutlo niini ug ang Simbahang Katoliko diri sa Cagayan de Oro gidumala ni Bishop Tony Ledesma bisan man gani ang simbahan sa tibuok katoliko is pro-life,” matud ni ni Parish Pastoral Council for Responsible Voting (PPCRV) nga si Roberto Villaluz.
Gidugang pa usba niini nga ang grabe nga pagbastos ug pagpatay sa mga biktima apan dili ingon nga pamatyon na lamang matud kini gumikan kay supak gayud ang simbahang katoliko sa pagpatay.
“Ngil-ad gayud tinuod pero ang simbahang katoliko nagakondena usab niana pero not to the point nga we will go nga pamatyon sila naa ra sa gobyerno unsa pero we are against killing people,” dugang niini.
Samtang gibutyag usab ni Bishop Jose Roy Rodriguez sa United Christian Churches of Mindanao president/founder, nga sa nakuha niini sa bibliya sulod sa 28 ka tuig nga kung magkahiusa ang tanan o simbahan diha sa pagpatuman sa bala-od tugotan kini sa Ginoo.
“God give authority to the devil to kill because it was order by the law and those who commit sin nga mopatay gyud siya, kung naay kamatayon mahitabo that is not the will of Lord, the will of God is life, so ang balaod tugotan sa Ginoo if the church will go united,” matud ni Rodriguez.