MGA stakeholders malaumon human giinagurahan ang Philippine Sports Commission (PSC) Mindanao Office, Huwebes.
Ang ceremonial blessing gipangunahan ni San Lorenzo Parish priest Reverend Fr. Joel C. Caasi.
Ang opisina nahimutang sa Davao Association of Catholic Schools Compound sa Champaca Street, Juna Subdivision sa Matina.
Si Presidential Management Staff (PMS) Assistant Secretary Joseph Encabo midayeg ni PSC Chairman William “Butch” Ramirez sa inisyatibo nga pagbutang og buhatan sa Mindanao, human nga may PSC office ng nakabase sa Cebu City alang Visayas.
“I hope this will gear toward a longer journey, stronger, solid and fruitful one especially in the grassroots; doable sports and achievable programs because this is the thrust of the President in Mindanao,” suma ni Encabo.
Malaumon sab siya og mas lig-on nga partnership tali PMS ug PSC sa ilang kolaborasyon sa sports development sa rehiyon.
Si Dacs executive director Jimmie-Loe dela Vega, sa iyang bahin, nagballik-lantaw sa maayong relasyon sa Dacs ug PSC sukad nahimong komisyoner si Ramirez.
“Having established a PSC Mindanao Office, all the more we are happy with even closer and more opportunities for collaboration with PSC,” ni Dela Vega.
Ni Ramirez, nga ang bag-ong opisina mahimong partner sa pagpromotar sa isports sa grassroots level.
Niya nga ang buhatan di lamang mohatag sa panginahanglanon sa sporting community sa Mindanao apan motagana sab sa coaches education, consultative meetings, talent identification, ug uban pang grassroots sports programs.
Dugang ni Ramirez nga ang “sports for peace programs” sa kabataan maoy tutukan sa PSC Mindanao office.
“Mindanao is vital and very critical to the country’s peace and progress, so in the next three years we will focus on Mindanao,” dugang sa PSC chief.
Samtang si PSC Commissioner Charles Raymond Maxey, sa iyang parte, nagkanayon nga ang PSC satellite office nagtumong sa paghatag og serbisyo ilabi na sa mga tawo sa Mindanao. (MLSA)