SECTIONS
Thursday, July 18, 2019
SUPERBALITA DAVAO

Lokal Kasikas: Hudyaka sa 82nd Araw ng Davao

SADYA ang pagsaulog sa mga Dabawenyos sa 82nd Araw ng Dabaw Sabado, Marso 16.

Luyo sa makapagtong nga kainit sa adlaw, midagsa ang daghang Dabawenyos, mga turista sa nag-unang kadalanan sa siyudad aron mosaksi.

Sayo pa lamang sa buntag, nag-ihayahay na og plastar ang publiko aron makabaton og nindot nga pwesto asa makasud-ong sa ilang gikahinamang mga artista nga miapil sa parada.

Karon nga tuig anaa sa 380 ang contingents gikan sa public ug private sectors.

Mas daghan kini sa 338 nga miapil sa nakalabay nga tuig.

Nahugyaw sab ang katawhan tungod luyo sa mga artista, pipila ka pulitiko sab nga mipapili karong eleksiyon ang misalmot sa parada.

Nauna ng gisulti ni Parada Dabawenyo in-charge Erwin Alparaque, ug acting head sa City Treasurer’s Office (CTO) nga tugutan ang mga kandidato nga moapil sa parada, basta lamang di sila manghatag og election paraphernalia.

Ug sa ikaduhang tuig karon, human sa Parada Dabawenyo, daghan na sab ang kadaghanan sa Kumbira sa Davao sa CM Recto ning siyudad.

Singkwenta ka lechon baka ang giandam, giplastar na matag food packs aron ipakaon sa mga naki-celebrate sa Araw ng Dabaw.

Mismong si Davao City Mayor Inday Sara Duterte Carpio ang nanguna sa pagpangtunol niini lakip na ang 4,600 ka grocery items.

Uban pang kalihukan karon sa dakbayan mao ang TDR80 Ultra Marathon, usa ka 80-kilometer Road Race sa Eden Nature Park, Marso 17; Agribiz Expo sa Gmall Activity Area, Marso 25-26; Araw ng Davao Sports Festival 2019, Marso 1-31 sa nagkadaiyang bahin sa siyudad; Kalingawan sa Sta. Ana Wharf ug uban pa.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph