SECTIONS
Tuesday, June 25, 2019
SUPERBALITA CEBU

Reward gikan sa iyang pamilya

ANG anak nga magtubo nga sulundon, buotan, kugihan ug nagtinarong og eskwela segurado nga dunay pahalipay o ganti gikan sa iyang mga ginikanan.

Ang reward ihatag sa lainlaing pamaagi, mahimo nga usa ka butang, salapi, sakyanan, alahas o okasyon nga i-organize sa mga ginikanan alang sa mga anak.

Si Hershe Margareth Abellanosa, usa ka maayong ehemplo, kon unsa ang usa ka sulundon nga anak.

Ang iyahanang inahan, si Junah Babatuan-Abellanosa, 41, nihulagway sa kamaguwangan nga anak nga responsabli ug kasaligan nga anak nga iyang katambayayong sa buluhaton sa balay.

Matod niya, mapaubsanon ug simple lang si Hershe.

“Siya gyud nay katabang nako tanan. Unya sayo kaayo na momata para mangutaw sa uniform. Very humble, simple kaayo nga pagkabata, di gyud na mangayo og kwarta. Mangayo man gani na, pleti lang. Grabe kaayo na kabuotan si Hershe,” asoy sa inahan, maestra sa University of San Carlos (USC)- South Campus, Cebu City.

Siya nidugang nga nangalagad usab si Hershe sa simbahan sa Sto. Tomas de Villanueva, Barangay Poblacion Pardo, isip miyembro sa Lectors’ and Psalmists’ Ministry ug Youth Ministry sa Catholic Charismatic Renewal Movement (CCRM).

Niadtong Enero 17, ang ika-18 nga sumad sa pagkatawo sa dalaga. Apan ang debut party gihimo niadtong Pebrero 2, 2019.

Sumala ni Junah nga reward kang Hershe ang giandam nila nga debut party alang sa anak tungod sa pagkakugihan niini ug nagtinarong sa iyang pag-eskwela sa Grade 12.

Duha ka gowns ang gipulipulihan og sul-ob sa debutante atol sa party nga gipahigayon sa CAP Theater sa Osmeña boulevard, siyudad sa Sugbo.

Sa unang gawas ni Hershe sa party, nagsul-ob kini og gown nga gold ang color ug may sagol nga berde. Kini unang nasul-ob sa actress/singer/commercial endorser Celestine Gonzaga-Soriano nga mas nailhan nga si Toni Gonzaga.

Samtang gasul-ob si Hershe niini, giharanahan siya uban sa kanta nga “Beautiful Girl,” nga gipasikat ni Jose Mari Chan.

Ang ikaduhang gown naggilakgilak usab sa kaputi ug samtang gasul-ob niini si Hershe, gipatukar usab ang awit nga “Beautiful in White” ni Shane Filan.

Ang debut party may tema nga "Glitz and Glam." SCG


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph