SUPERBALITA DAVAO

Lokal kasikas: Ebolusyon sa Davao Conyo

DI GYUD tanang Pinoy makarelate sa ka-pinasahi nga dayalekto sa mga taga-Davao.

Kini ang pagsagul sa Tagalog ug Binisaya, usahay may English pa, nga miresulta sa bag-ong pinulungan.

Kini ang Davao Conyo, nga say pa, pang-alta ang level.

“Saan kayo magkain?”, “Hindi man masarap dito oi!”, “Kaiba ka lagi ba!”, pipila lamang kini sa dayalekto nga sagad nato madungog nato from the students.

Apan unsa ba gyud ning Davao Conyo ug paunsa kini nagsugod?

Si Dr. Josyl Aquilam, associate professor sa Linguistics Department sa Ateneo de Davao University, misulti nga wa gyuy nasayud asa nanukad ang Davao Conyo.

“Kining Davao Conyo nga ginaingon nato nga language, existed na ni siya long before."

Dugang niya nga kini nahangop na's kadaghanan ilabi na nga ang Davao City giilang “melting pot” sa kultura, tradisyon, diin daghang mga bisita, ilabi na gikan sa Manila, moestablisar sa ilang pinuy-anan dinhi.

Uban ang mga locals nga maabi-abihon kaayo sa mga bisita, sagad sab kanila gisagul-sagol ang dayalekto sa ilang mga bisita, but with a twist.

“So kita nga makig-istorya sa mga langyaw we try to speak Tagalog, pero naa juy pakapin nga ‘gud’, ‘man’, mga ing-ana gud," dason sa propesor.

Dugang niya nga ang terminong Davao Conyo mibongga og pinalive lima ka tuig ang nakalabay, tungod sab sa mga millennials.

Usa sa mipaila og maayo sa Davao Conyo mao si Philip T. Hernandez, nagmugna sa Davao Conyo youtube ug Facebook page.

“Having my content focus much on this type of language, was an accident. I made a video before using the Davao Conyo language and unexpectedly, it made a lot of buzz online not only in Davao but in other parts of the Philippines.”

Dugang niya nga nakahabig og dakong atensiyon ang dayalekto rason nga mihimo siya og daghang videos with more Davao Conyo nga tsika.

“Speaking the language is something that I accustomed to, but in a marketing perspective, it was a hit. As a content creator, it is important for my work to be relatable. Thus, the Davao Conyo brand,” ni Hernandez.

Gipaambit sab ni Dr. Aquilam, nga di sab angay nga i-associate ang Davao Conyo sa social class o status, tungod kini man ang sinultihan sa mga Dabawenyos, rich man o poor, bisan kaniadto pa!


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph