Editoryal: Kudos Dabawenyos

MALAMPUSON ang kasaulogan sa ika-82 Araw ng Dabaw niadtong Sabado, Marso 16, ug tungod niini, holiday sa Lunes, Marso 18, sa Davao City agi'g pagpahuway sa mga Dabawenyos.

Atol sa parada, makita si Davao City Mayor Sara Duterte-Carpio nga miduyog gayod sa maong kaugdahan sa siyudad, ug luyo sa kainit sa panahon, iyang giwara-wara ang placards nga dunay nakasuwat nga pulong

“Thank You!” agi'g pasalamat niini ngadto sa tanan nga miduyog sa programa.

Sa hisgutanan sa kahapsay ug kalinaw sa siyudad, nakab-ot sa otoridad ang malinawon nga kasaulogan, diha sa luwas ug walay mga dagkong panghitabo atol sa selebrasyon.

“We are one with the Dabawenyos in celebrating this anniversary. May this activity bring economic growth to Davao. Your police will help the celebration be more meaningful by keeping all the area of activities safe and secure. We are always on the alert all throughout the end of this celebration and even after it," sulti ni Police Regional Office (PRO)-Davao Region director Chief Superintendent Marcelo Morales.

Ang malampuson nga selebrasyon, gipahimuslan sab kini sa pipila ka politiko nga magpapili karong May 2019 elections diin pipila kanila, mi-wara wara sab sa ilang mga kamot agi'g pagtimbaya sa katawhan.

Hinuon nasayod na ang katawhan sa ilang unang tumong, ug katawhan na sab ang nasayud kung kinsa ilang pilion, luyo sa ilang pagpahumot diha sa publiko.

Siyempre di gyod mawala sa matag Araw ng Dabaw ang pagparada sa mga artista diha sa telebisyon nga maoy usa sa mga highlights sa programa nga maoy ginaatngan sa katawhan.

Ang malampuson nga selebrasyon nagpakita lamang nga igmat ang otoridad uban sa koordinasyon sa mga opisyal sa lokal nga kagamhanan ug ang pagkamabinantayon sa katawhan.

Kudos sa tanang Dabawenyos!

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph