GIANGKON ni Jonas Martel Bueno nga di gyod siya ang nagpatay kang Christine Lee Silawan, usa ka 16-anyos, estudyante sa high school didto sa Lapu-Lapu City, Cebu.
"Dili ako ang naghimo sa pagpatay sa 16-anyos, ug sa 60-anyos, pero maangkon nako nga ako ang naghimo sa pagpatay sa usa ka Boboy Lumen," ingon ni Bueno kinsa giingong person of interest sa pakighinabi sa mga tigbalita.
Segun ni Bueno nga usa ka Boboy Lumen ang iyang napatay sa Carmen, Cebu niadtong 2017, wala suma pa kini kalabutan sa pagpanit ug pagpatay nilang Trinidad Batucan ug Christine Lee Silawan.
Apan sa bahin sa Police Regional Office (PRO)-Davao Region gibutyag niini nga dunay dakong posibilidad nga kaubanan ra ni Bueno ang mipatay ni Silawan.
Sa kasamtangan anaa gihapon sa selda sa NBI-Davao ang suspek samtang wala pa gikabutyag sa otoridad kun kanus-a kini dalhon sa Cebu City aron sa pagtaral sa iyang kaso.