SUPERBALITA CEBU

Hagit ni Spence Jr. gidawat ni Pacquiao

UNI FIGHT: Si WBA welterweight champion Manny Pacquiao (wala) nga mipabuhagay sa iyang pagdawat sa hagit ni IBF welterweight king Errol Spence Jr. (tuo) alang sa usa ka unification fight atol sa interview human sa dominanting kadaugan batok ni Mikey Garcia kagahapon didto sa AT&T Stadium sa Arlington, Texas, USA. (HULAGWAY GIKAN SA NEWS.COM)

GIDAWAT ni World Boxing Association (WBA) welterweight king Manny Pacquiao ang hagit ni International Boxing Federation (IBF) welterweight champion Errol Spence Jr. nga usa ka unification bout sa umaabot.

Gibuhian ni Spence ang iyang hagit human sa iyang dominasyon nga desisyon nga kadaugan batok kang Mexican Mikey Garcia kagahapon sa AT&T Stadium sa Arlington, Texas, USA nga personal nga gisaksihan sa Pambansang Kamao ng Pilipinas.

Pagkahuman sa away, gipabuhagay ni Spence ang iyang paghandom nga ikaharong si Pacquiao sa sunod niyang tahas.

“He’s broken records here before, he’s a legend in the sport, and it’d be my honor to fight him next,” matod ni Spence kabahin ni Pacquiao, kinsa maoy bugtong eight-division world champion sa kalibutan.

Si Pacquiao misaka ibabaw sa ring aron mo-congratulate kang Spence ug gipangutana siya sa ring announcer kabahin sa intensyon ni Spence.

“Yes, why not? We’ll give the fans a good fight. I’m so happy to be here in Dallas, and I hope I will be back here soon,” matod ni Pacquiao nga napatik sa ESPN.com.

Sulod sab sa duha ka mga higayon nga nakaaway ug midaog si Pacquiao sa AT&T Stadium niadtong 2010.

Gipasabot ni Pacquiao nga interesado sab siyang makig-away kang Spence hilabi na kat dali ra kining ihan-ay kay pareho silang adunay kalambigitan sa Premier Boxing Champions.

Kabahin sa away nila ni Spence ug Garcia, tatawng nidominar ang bintaha ni Spence sa gitas-on, kusog ug abilidad.

Gikan sa sinugdanan hangtod sa katapusan, wala’y nadag-an bisan usa lang ka round si Garcia basi sa scorecards sa tulo ka judges nga 120-107, 120-108 ug 120-108.

Si Garcia misaka og duha ka weight divisions aron lang ikaharong si Spence.

Si Spence misaka sa 25-0, 21KOs nga rekord samtang si Garcia, kinsa nakatilaw sa labing una niyang pilde, natagak sa 39-1, 30KOs nga baraha. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph