MARYUSEP a pandek ken tayag....! “nia man ngatan ti agbusi iti8 ngangaw ni Apo Presidente Digong iti napasamak a Tao, nangrape iti baka? He he...kayatmin ti umkis a mangumsi ken mangdusa iti anak ti dugang a suspect, ngem bay-antayon a dagiti sumaganad nga eksena ti manghusga. Ta no dakami ti agbalin koma nga ukom iti daytoy a kaso....sobra pay iti bitay ti intay yetnag a pannusa. Agasem, pards...iti kinaraber ti babbae ditoy Pilipinas iti agdama....BAKA A BIRHEN ken awanan gaway ti minolestiya ken ni-rape ti anak ni Lucifer? Ditoy pay Pilipinas ti disso a nakapasamakan ti pang-Guiness Book of records a krimen? Only in the Philippines, pards. NAKABABAIN, PWE! Ngem sakbay nga intay man karamutan dagita nga eksena, intay man pay apidasen biit dagiti kontrobersiya a napasamak itay nabiit:
***
Nabara pay laeng ti di pagkikinnaawatan dagiti taga-Senado ken taga-Kamara gapu laeng iti matagtagiuray a maipasa a 2019 National Budget.
Agpipinnalapaldan iti aligasyon ken pammabasol. Rumbeng kano nga agpalawa ti senado (kuna ti kamara) no ania ken apay a limsut ti P75 bilyones a pondo a nare-alligned? Adda met bira ti senado kontra Kamara. Ti imasna, dimmegdeg ti parikut. Nagkikinnaritdan. Sige, awantayon apo panggep iti no mano bilyon tin are-alligned wenno ania ti nangilatanganda manipud iti trillions a 2019 budget. Ti ayanmi ket iti moral ken dignidad dagiti intay binotbotosan idi ken nagtaltalkan a nagbalin a mammanday-linteg.
Ania ti napasamak? Adda dita nga agsusubang gapu laeng iti kuarta. Adda kabukbukodanda nga interes, saan aya? Imposible nga agkukutakda nga awanan agapu wenno panggep. Addayta dagiti impatugawtayo, pards....a mangitandudo iti pagimbagan ti sapasap a pagilian (nangruna kadagiti botante) ngem nagkabsiw sa ti suportatayo ta ti pribado wenno bukoddan nga intertes ken panggep ti kabkabigenda iti agdama. Saan kadi a makadismaya ken nakababain? Nangruna ta umadanin iti eleksiyon 2019. Saan ngata a napolitikaan dagita nga addangda? Awan ngata ti gamerna a pulitika ti ngiaw ken taulda tapno mangeg ken Makita ida dagiti botante para iti umay a panagpipili? Ngem iti panagkunami....no napudnoka a managarisit a botante...pagan-anom koma nga ibutos dagiti kakasta a kandidato kas pangarigan? Tsk tsk...agsagattayo a naimbag sakbay nga adda
dagiti makalusot a kuto ken kiteb iti kagimongan.
***
Impakita ni Presidente Duterte ti tibker ti kampanyana kontra illegal a droga a kas paset ti karina idi pay laeng panagkakampanya. Intultuloyna daytoy nga addang iti likud ti adu a pammabalaw. Iti kaudian ket ti basnot ti ICC wenno korte-pang-international. Ngem ti sungbat ti president: nakasagana daytoy a pabitay no kasapulan no isu ti pangeddeng ti ICC gapu iti inaramidna a panangkibor kadagiti sindikato ken aminen nga addaan pakainaigan iti illegal a droga ditoy Pilipinas. Impakita ti presidente ti napinget a programa tapno masalbar ti sibubukel a pagilian iti gammat ti illegal a droga. Adu manen ti bimmasnot kontra kenkuana iti nakuna nga isyu. Ngem nakadidillaw a dagiti kontra ket dagiti met laeng gammat ken ramay dagiti kalabanna iti politika. Sabagay, kas naikarinan, dinanto atrasan dagiti samben ti progamana kontra droga aingga iti situtugaw daytoy tapno laeng masalbar ti pagilian iti pannakarpuog manipud iti kuko dadgiti sindikato ti droga uray payen kasinnangdonan dagiti gangannaet a sindikato a sangalubongan ti indan nabaddekan. Ti laeng dakkel a pagamkan ti kaadduan: aianto ngatan ti panungpalan ti kampanya kontra droga no awanton ni Digong? No ti sumublat kenkuana ket awanan gemgem a landok kontra illegal a droga..anianto ngatan ti masakbayan ti Pilipinas? Adu ti agamak iti negatibo nga ibunganto iti ibabanton ni Digong iti takem. Amangan kano ta adunto manen ti agsubli kas kasigudan....sayangto ketdin dagiti puonan ni Digong a nagaramid iti8 reporma iti isyu ti droga, korapsiyon ken krimen. Addan iti ima dagiti
umili ti masakbayan ti pagilian.
***
Itay nabiit, narikna dagiti umili iti pigsa dagiti politikos manipud nagduduma a partido-poltikal.Ngem adda laeng nadlawtayo. Ti Hugpong Sa Pagbabago nga eggem ni Presidential daughter Sara Duterte ket kellaat nga immarangkada, saan laengen nga idiay sektorda a Davao no di ketdi nagbalinen a sangapagilian. Numan pay timmapik itay nabiit ti ina ni Sara tapno aginayad koma ti anaknan kadagiti pamkuatanna a mangitandudo kadagiti napilida a kandidato....adu ti naburburtiaa-an iti panagulimek ti mayor ti Davao. Natural, kas anak ti maysa nga agdama a presidente ti pagilian, saan a maikkat tin umdas a talek dagiti nangruna kadagiti maka-Digong, saan aya? Adda pay ngarud masirsiriptayon iti daytoy a kasapa: nga iti umayto nga eleksiyon pang-presidential, amangan ta TALLO A BABBAE ti agbabalubal a para president. Siasinoda koma kas pangarigan? Adda dita da Senator Grace Poe, Vice President Leni Robredo ken Mayor Sarah Duterte. Wen, aya? Adda pay dagiti sumagsagid a nagnagan iti igidda kas koma Senator Cynthia Villar ken dadduma pay. No sibibiag daydi lolok ... maymaysa ti ikkisna kas ikkisna idi panawen ti Katipunan: DARUP kailian!!! Iti hapon, BANZAI!!! Iti kailokuan: BONSAIII! Sabagay, lolong ... tay babassit kano ti makapuling. Ala, sinno aya kadagiti tallo a babbae ti makapuling? Napipintasda amin. Nauutekda amin. Ngem no ni lolok kano ti agpili...tay “cute” nga ababa ti buokna ti pilienna. He he..kasla am-ammomi isuna, pards.
***
Itay nabiit, bimmasnot manen ni Pres. Duterte idi nagballaag daytoy kadagiti BABBAE! Mismo nga isuna ti timmapik kadagiti babbe nga agannadda ken di urmbeng a makipulapol kano kadagiti PAPADI ta LALLAKIDA met laeng dagitoy iti likud ti kina-padida....a mabalin a mademonyo. “the women should refrain from going near the priests because when you are near him, he will just smell the scent of your body. And if he corners you in the church, patay ka. He will court you. Do you know why? It’s because he is a man,” insutil ni Digong kadagiti nakatallaong a babbae iti maysa a taripnong sadiay Negros Occidental itay nabiit. Adu pay ti imbagana ngem saanen a mabalin a maisurat, he he...ammoyo metten ti terter ti dila ni Digong.
***
Intayon sublian ti kangrunaan nga isyu ti Karit ita a lunes: panggep iti lalaki a nang-rape iti baka. Grabe ti unget ni Digong iti napasamak iti desi-sais anyos a kolektor iti simbaan tunggal misa. A kalpasan a narames, kinulanitanda pay ti rupana ken nagikkatda pay iti nagduduma a paset ti bagi ti biktima...Ngem ania ngatanto ti makunana iti maysa a baro a nangrape iti baka a taraken ti ikitna. Ti imasna, idi agipulong koma ti ikitna, pinapatayna daytoy. Ti nakapimpiman, awan gaway ti biktima a baka. Saan met a makapagdarum. No, koma ta makapagsao ti baka, mabalin a maibutaktakna ti pudpudno a napasamak. Mabalin siguro a maibagana a binastedna ti panagarem ti suspect isu a pinilitda daytoy. He he...masapul sa a maaddaantayo met iti baro a linteg a mangdusa iti nadagsen kadagiti mangidadanes kadagiti animales. Saan aya nga adda pay idi damag a lalaki a natiliw a nang-rape iti manok. Susmaryusep! Ngem apay nga awan damage panggep iti na-rape a pugo! Ngaaakkk! Adios mi amor, ciao, mabalos!