GITUOHAN tungod kay na-late ug adunay mga balidong rason nganong miabot ngadto sa 602 ka mga examinee ang wala makatunga sa Civil Service Commission (CSC) sa professional ug sub-professional examination.
Gikumpirmar ni Eden Banaag, kinsa head sa Human Resource Specialists sa CSC-Northern Mindanao, niingon nga sa Northern Mindanao duha ka dakbayan gipahigayon ang eksaminasyon niadtong adlawng Dominggo, Marso 17, kon diin sa dakbayan sa Cagayan de Oro ug Oroquita Cities.
Matud niini nga sa 14,027 ka mga rehistrado nga mo-exam mokabat sa 13,425 lamang ang malampusong naka-exam.
Matud niini nga sa dakbayan sa Cagayan de Oro adunay naka-exam nga mokabat 12,538 sa professional, 837 sub-professional.
Sa dakbayan sa Oroquita moabot sa 810 ang professional nga malampuson nga mi-exam ug 126 niini ang sub-professional.
Matud ni Banaag nga wala sila magkulang sa pagpahimangno nga unta ang mga examinee anaa na sa venue alas 6 sa buntag kay ala 7:30 sirado na ang gate.
Kung moabot og alas 8 sa buntag dili na kini nila dawaton kay nagsugod na ang examination niini nga oras.
Gituohan sab niini nga adunay mga kakulian nga nahitabo hinungdan nga wala makatunga ang uban nga mga examinee.