P50,000 multa sa walay plaka nga motorsiklo

DILI mominus sa P50,000 ang multa ngadto sa mga nanag-iya sa motorsiklo nga dili motuman sa gi-required nga bag-ong plaka nga kinahanglan dako ang mga numero, color coded ug readable.

Naidtong Marso 8, gipirmahan ni Presidente Rodrigo Duterte ang Republic Act No. 11235 kon “Motorcycle Crime Prevention Act,” diin gitakda na kining iimplementar.

Si Land Transportation Office- Northern Mindanao Regional Director Rodelio Poliquit nga sila sa rehiyon gapaabot lang sa implementing rules and regulations aron sa hingpit kining mapatuman.

“Huwat lang ta sa implementing rules kay sa akong pagsabot kinahanglan ang plaka bigger size ug visible within 15 meters ang distansya sa motan-aw, visible ug posibleng reflectorized nga mabasa apan mohulat kita sa implementing rules para makahibalo kita unsaon pag- implementar kung unsa kadako sa plaka ug unsay atong enforcement,” matud niini, kinsa miingon nga labina karong panahona daghan sa mga motorsiklo ang gadagan nga walay insaktong plaka.

Gibutyag sab niini nga kung dakoan pag-ayo susama sa nangawas diha sa social media ilang gikonsidera ang safety sa rider kay basin unya maghinungdan kini sa disgrasya.

Nakalatid sa balaod nga “Bigger, readable and color coded number plates” kinahanglan sa usa ka motorsiklo ug kung walay plaka dakpon kini ug adunay multa nga dili mominos og P50,000 ug di sad molapas sa P100,000.

Lakip sa nakalatid sa balaod mao kining kung ang motorsiklo gigamit sa paghimo sa krimen ang tag-iya, driver o niangkas niini ang mapriso sulod sa 12 ka tuig ngadto 20 ka tuig.

Dugang ni Poliquit nga laumang dili madugay mahatagan na kini og katumanan tungod kung gipirmahan na kini sa Presidente aduna na’y pundo nga gitagana alang niini ug kinahanglan kining matuman sa labing daling panahon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph