NAKIHUGYAW sa mga Dabawenyos sa selebrasyon sa 82nd Araw ng Davao ang casts sa GMA Afternoon Prime nga "Inagaw na Bituin."
Adlaw'ng Biyernes, Marso 15, una pa man misabak sa entablado, miatubang una sa mga sakop sa media sila Kyline Alcantara, Therese Malvar ug Manolo Pedrosa.
Sa press conference sa Rekado Restaurant, gishare sa tulo ang mga challenges nga nasinati samtang nagtuyok ang serye.
Si Therese nga baguhan sa natad sa telebisyon aminadong dako nga adjustment ang gihimo.
"First time ko kasi sa TV kasi mas ano ako sa indie, so talagang big adjustment sa akin, na dapat nasa gitna lang yung mga galaw ko, di masyadong matapang yung mata ko, ganun."
Alang sab ni Kyline, bisan og taud-taud na siya sa showbiz, naningkamot siyang makat-on ug mabaid ang abilidad niya sa akting.
"Inaaral ko talaga yung scripts para maibigay ko yung acting na natural lang, di yung pilit. Nanood ako ng acting videos," ni Kyline nga nagdala sa papel ni Anna Sevilla ug Elsa dela Cruz sa serye.
Ang Tsinitong si Manolo sab, aminadong daghan pa og angay makat-unan sa industriiya.
"Nag-aadjust pa rin talaga ako," dungan sa saad nga ginahatag niya ang iyang best sa matag projects nga gihatag kaniya.
Thankful lamang sab sila Manolo, Kyline ug Therese tungod very supportive ang mga senior stars nga ka-eksena nila, ginagiyahan sila sa ilang angay himuon.
Sa pikas bahin, luyo sa ka-busy sa showbiz career, nasinggit gihapon sa duha ka aktres ang pag-eskwela.
Human sa press conference, milarga ang grupo sa Gaisano Mall Toril alang sa Kapuso Mall Show.
Pagka-Marso 16, nakijoin ang tulo sa Parada Davaoeño ug misakay sila sa Kapuso float.
Atangi ang mga exciting pang eksena sa "Inagaw na Bituin" sa GMA Afternoon Prime.