SECTIONS
Wednesday, June 26, 2019
SUPERBALITA CEBU

Tambagi ko Noy Kulas: Kanunay biyaan

DEAR Noy Kulas,

Ako diay si Noli, 40 years old, taga Mandaue. Ang akong ipatambag nimo mao ang kabahin nako.

Motuo ka o di, sa akong edad karon, ulitawo gihapon ko pero duna na koy duha ka mga anak sa lainlaing babaye. Upat na ka mga babaye ang akong gipuyo sukad sa nag-edad ko og 24 years old, pero way nilungtad nila nako og dugay. Pinakataas six years ra.

Ang pinakauwahi mao ang akong kapuyo nga 31 years old nga nakigbuwag nako three months ago. Love na kaayo nako siya, pero sa kalit lang, iya kong gibiyaan kay nakakita na siya og lain. Four years na ming nagpuyo but wa mi anak. Nikalit ra siya og ingon nga gipul-an na siya sa among pagpuyo ug mobiya na siya. Na-shock na lang ko nga iya ning gibuhat nako nga maayo ra man ko.

Unsa kahay mga sayop nako, Noy, nga sagad sa akong mga live in biyaan man ko? Nagtinarong baya ko nila kay sila ra baya ang akong mga karelasyon. Unsay tan aw nimo?

NOLI

Nol,

Sagad sa mga babaye mangita og stability sa ilang kinabuhi kon mosulod og relasyon, usually sa long term. Hayan mao ni ang rason nganong gibiyaan ka sa tanan nimong mga kapuyo tungod kay wa silay nakita nga stability sa relasyon kay kutob ka lang sa puyo-puyo, way planong magminyo. Gusto sila og security sa pagpuyo nga wa gihapon nila makita diha nimo.

Talk about sa minyo, di kay kutob ka lang sa puyo-puyo. Lisod kon ang imong panglantaw sa relasyon maora lang og trial and error. Hibaw-i, kadaghanan sa mga babaye mas gusto mopaso, gusto og kaminyuon di kay maora lang og tilawan sa lalake. Mao na ayaw kahimangod kon sa ngadto ngadto, biyaan ka sa babaye. Kinsa may babaye nga maanugnan sa lalake nga way planong magminyo? Okay ra unta nang magpuyo kon ikaw mopadayag sa direksyon sa inyong relasyon nga mosangko sa kaminyuon.

Sa sunod nga pagsud mog laing relasyon, idiga ang tanan mong baraha, apil na ang plano nimo sa relasyon.

NOY KULAS

Alang sa imong problema, e-mail sa kulassuper@sunstar.com.ph ug rojval69@yahoo.com


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph