DI BA niingon na man si Darren Espanto sa miaging semana nga gusto na niyang matapos ang isyu nila ni JK Labajo?
Unya nganong gikiha na man lagi hinuon sa iyang mama og kasong cyber libel si JK?
Siyaro wa gyuy mga taga-ABS-CBN nga nakapatunga aron mahusay ni ilang away? Ila gud nang mga talent?
Naa si Ma’am Charo Santos, si Ma’am Cory Vidanes, si Mr. M. o bisan si Big Brother... usa ra gyud na ka heart-to-talk ug sigurado kong mag-reconcile ra nang duha ka bagets.
Binayot eh este binata ra kaayo nang isyuha uy aron paabton pa sa korte.
Kahibawo man ta nga dili bading si Darren ug gi-deny na sad ni JK nga dili siya ang nag-Tweet. Kailangan pa bang i-memorize yan? Love lang! Hehe...
UNFAIR
Di ko ganahan sa bag-ong format karon sa Pinoy Big Brother nga walo ra ang ilang official housemates ug ang uban gihimo ra nilang reserba didto sa Camp Star Hunt.
Siyempre kadtong walo ka official housemates nga unang nakasud sa PBB house mas duna gyud to silay rapport sa audience ug ang simpatiya sa mga tawo tua gyud nila.
Mao nang during eviction lupigon sa text votes ang mga bag-ong housemates nga gikan sa Camp Star Hunt kay maorag nahug man hinuon silang supporting cast na lang.
Tan-awa tong Big 4 sa PBB Otso Teens nga silang Karina, Kaori, Jelay ug Lie di ba Day 1 pa lang naa na sila sa Bahay ni Kuya.
Karon sa PBB Otso Adult klaro kaayo ang mga unang nakasud nga housemates mao ra sad ang mosud sa Big 4 nga silang Fumiya, Maymay, Andre ug Lou.
Sa Marso 31 man tingali ang announcement sa Big 4. Tan-awa n’ya di ba makaingon gyud mo’g sakto na sad si AC Martin. Haha...
Bitaw, dapat ibalik ang karaang format sa PBB aron dili unfair sa mga housemates nga uwahi nang nakasud.
WAY RESPETO?
Gi-bash si Direk Carlo J. Caparas tungod kay kalit ning nibutho sa panimalay sa pamilyang Silawan sa LapuLapu City kay gusto niining himoan og pelikula ang brutal nga pagpatay sa dalagita.
Daghan ang nakasaway kay wa pa gani masulbad ang kaso ug naa pa sad taliwa sa kasakit ang ilang banay.
Samot niulbo ang kaspa sa mga Cebuano kay nagpalitrato pa si Direk tupad sa lungon sa biktima samtang lami kaayog pahiyum.
Na-misinterpret lang kaha si Direk?