SECTIONS
Friday, April 26, 2019
SUPERBALITA CAGAYAN DE ORO

MisOr Cares Extension Office giabrihan sa El Salvador City

LAING extension office sa Misamis Oriental Care System ang gibuksan sa Barangay Taytay, siyudad sa El Salvador, Misamis Oriental niadtong Martes.

Gibutyag ni Misamis Oriental Governor Bambi Emano nga natukod kini og bag-o human niadtong piliay sa barangay ang ilang satellite office nga nahimutang didto sa Barangay Molugan ang giingong gipapahawa ug gipasirad-an sa midaog nga barangay kapitan nga aminado si Emano nga dili kaalyado sa pulitika.

Giingong mipasalig pa ang maong kapitan nga magtukod og programa alang sa panginahanglan sa katawhan apan hangtod karun walay katukoran niini.

Dugang ni Emano nga daghan residente sa maong lungsod nagkinahanglan sa serbisyo sa Misamis Oriental Cares hinungdan ilang gipaningkamotan ang katukoran sa extension office ug kagahapon kini gibuksan.

“Ang Misamis Oriental Cares Extension Office hulip sa Molugan nga unta pahimuslan sa katawhan labina sa kabus sa El Salvador,” matud ni Emano.

Mapasalamaton si Emano sa kapitan sa Taytay nga mao si Agripino Estrada sa pagtugot niini nga makatukod og extension office sa ilang barangay aron sayon sa taga siyudad nga moduol kung adunay panginahanglan.

Ang extension office dili lang limitado sa taga El Salvador apan kasikbit nga lungsod nga nagkinahanglan og tabang.

Dugang ni Emano nga sentro karon sa batikos ang iyang programa apan dako og tabang sa katawhan ang Misamis Oriental Cares kon diin moabot na ngadto sa 1.5 milyon nga serbisyo ang natunol.

“Sawayon nalang nila kay wala may ila,” matud sa gobernador.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!