HABWA ang tina-i sa usa ka lalaki human giluba niadtong sa Barangay Nabulod, Baluarte, lungsod sa Tagoloan, Misamis Oriental niadtong alas 9:30 Lunes sa gabie, Marso 18.
Si Police Senior Inspector Allan Oniana, hepe sa Tagoloan Police Station, miila sa biktima nga mao si Joel Piquit, residente sa susamang dapit.
Gitumbok nga suspetsado mao si Arnel Advincula kinsa giingong misibat human sa insidente.
Matud ni Oniana nga basi sa pahayag sa amahan, dili si Advincula ang direkta nga kaaway sa biktima nga si Piquit, apan ig-agaw niini nga nakaaway niini niadto pang bulan sa Disyembre tuig 2018 apan gituohang gipalit ni Advincula ug kini ang nagdumot.
Niadtong gabhiona giingong nagtambay sa balay sa silingan nila ni Piquit kini si Advincula ug dihang pagduol sa biktima kalit lang niining giatngan og giluba gamit ang kutsilyo.
“Dako-dako sab ang iyang naangkon nga samad kay halos nahabwa man ang tina-i sa biktima,” matud ni Oniana.
Human sa insidente daling misibat ang suspetsado kinsa padayon pa nga gipangita sa kapolisan karong panahona.
Ang biktima gidali pa og dala sa St. Paul Hospital apan dead on arrival nga gideklarar sa mga doctor.