GIKLARO sa simbahang Katoliko nga dili sila ang magpili kung kinsa ang suportahan nga kandidato sa mga parokyano apan angayang pili-on ang kandidato nga dunay pagtan-aw sa kaayohan alang sa tanan.
Matud ni Archbishop Antonio Ledesma sa St. Augustine Cathedral nga dili ang mga lider sa simbahan ang magbuot kung kinsa ang suportahan sa mga Katoliko apan kinahanglan lamang nga sutaon usab nga nagbaton ang usa ka kandidato og mga kinaiya sama sa konsensiya, katakus,kalooy ug kasaligan.
“It has to be the lay Catholics, they have the rights and their duties to choose candidates so dili ang mga institutional leader of the church but the lay Catholics,” matud ni Ledesma.
Gidugang pa usab niini nga gani pwedi makahimo og grupo ang mga Katoliko aron magpakita sa ilang suporta sa usa ka kandidato nga angayan nga mahatagan sa kahigayonan nga makaserbisyo.
“Why not? They can form their own group to support candidates,” dugang niini.
Nasayran nga ang simbahan naghatag og giya sa mga botante nga pilion ang mga kandidato nga duna niining lima ka C nga mao ang competence, conscience, companions, compassion ug commitment.