SECTIONS
Saturday, July 20, 2019
SUPERBALITA CEBU

El Niño mulungtad hangtud Hunyo: Pagasa

CEBU. Gianunsyo sa Philippine Atmopheric, Geophysical and Astronomical Services Administration (PAGASA) Mactan nga posibleng mulungtad hangtud Hunyo karung tuiga ang weak El Niño nga nakaapekto sa tanang lugar lukop nasud. (SunStar foto/ Allan Cuizon)

GIPAHIBALO sa Philippine Atmospheric, Geophysical and Astronomical Services Administration (Pagasa) Visayas nga ang nasinati nga weak El Niño mulungtad pa hangtud sa bulan sa Hunyo.

Base sa ikaduha nga gipagawas nga advisory sa Pagasa Climate Division, ang weak El Ni ñ o giingon nga molungtad kini hangtud sa bulan sa Hunyo, sukwahi sa una nga report sa maong division niadtong Pebrero 20, nga kutob lang unta sa Mayo.

Gipagawas ang ika-duha nga Weak El Niño advisory, Marso 14, matud pa ni Pagasa Visayas Director Engr. Alfredo Quiblat.

Laing advisory na pud ang ipagawas sa Pagasa karong Marso 22, dugang ni Quiblat.

Matud pa ni Quiblat nga ang wet season o panahon sa tig-uwan, imbes magsugod sa Hunyo ning tuiga, basin madugayan pa tungod sa weak El Niño.

Sukad niadtong Dominggo, Marso 17, hangtud kagahapon, nasinati ang pag-ubos sa temperatura kon ang bugnaw nga panahon, human nga nakasinati ang kabisay-an og panagsang pag-ulan, dala sa Bagyong Chedeng.

Apan sugod Marso 20, posible masinati na usab ang pagtaas sa temperatura kon pag-init sa panahon, human nga nahimo na nga low pressure area nalang si Chedeng, human sa pag-landfall niini pasado alas 5 Martes sa kaadlawon sa Malita, Davao Occidental.

Gani gilanatwan nga matunaw ra usab ang LPA.

Sigon ni Quiblat nga gikan sa nasinati karon nga 24 to 27 degrees Celsius posibleng sugod Miyerkules, Marso 20, hangtud na sa weekend motaas kini ngadto na sa 32 to 33 degrees Celsius.

Hinungdan nga gipahimangnuan ang publiko gikan sa grabe pa nga kainit ug huwaw, ug sa posibleng mga sakit nga dala sa grabe nga kainit.

“Nakatabang makapabugnaw sa panahon ang mga ulan-ulan but wala katabang sa kakuwangon sa ulan since Pebrero hangtud karon. Kay ato na register, sukad sa Dominggo nga ulan 1.4 millimetres, or 5,000 drums per square kilometres, kulang ta sa February og 27 millimeters. Karon (Marso) 63 mm unta ang average normal, karon kulang nata og 28 mm, so 56 na ang deficit,” gitug-an ni Quiblat sa Superbalita Cebu.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph