SECTIONS
Wednesday, June 26, 2019
SUPERBALITA CEBU

Lonzon: Sakto si Supt. Obon

Mata Sa Agila

PARA nako dako kaayo’g papel ang pagkisikisi ni Lapu-Lapu City Chief of Police Sr. Supt. Limuel Obon sa pagbarug nga dili si Jonas Bueno ang suspek sa kamatayon ni Christine Lee Silawan.

Kay kon dili pa tungod ni Obon, di matumbok ang posibling tinuoray nga kriminal sa pagpatay sa minor de edad nga nakaangkon og 30 ka mga dinunggaban ug gitangtang pa ang ubol-ubol ug dila niini.

Gawas niini mapriso ang tawo nga wa maghimo sa krimen. Naluwas ni Obon si Bueno nga maoy unang gitudlo nga mamumuno.

Ang nahitabo nadakpan sa National Bureaun of Investigation ( NBI) 7 si Epot ang kanhi uyab ug schoolmate ni Christine.

Tungod niini pila naman diay kaha ka mga inosenting tawo ang napriso apan wa maghimo sa krimen?

Tungod lang sa pagdalidali sa kapulisan sa pagsulbad sa kaso bisan way klaro; gumikan ba kaha tungod sa pag-apas sa reward money?

Apan daghan pa gihapon ang di motuo nga si Epot ang suspek. Mao atong paabuton nga ipakita ug patingugon sa NBI ang mga saksi.

Hinuon, basi sa serkumstansya sa mga ebidensya pinaagi sa CCTV camera si Epot ug Christine ang katapusang nakit-an nga maoy nagkuyog.

Pero ang paagi sa pagpatay porbidang lisura tuohan nga mahimo sa usa ka minor de edad.

Bisan paman niini mapasalamaton kita ni Obon, ug ang pagtingog sa unang suspek nga si Bueno nga di siya ang nagpatay ni Christine.

Ug miangkon sa kasong pagpatay si Bueno, ni Boboy Lumin didto sa siyudad sa Danao.

Samtang wa sab siyay kalambigitan sa pagpatay ni Trinidad Batucan katong gipanitan ang nawong ug iyang gipasangil sa igsoon nga si Jonrey.

Sa pagsuwat nako niining lindog wapa madakpi ang duha ka mga kauban ni Epot nga naghimo sa bangis nga krimen.

Maayo sab unta makig coordinate ang mga ahente sa NBI 7 , sa kampo ni Superintendent Obon nga maoy unang nag-imbistigar sa kaso.

Nakita nako ang ka sensiro ni Obon sa pagsulbad sa kaso. Dako kini ug natampo sa kampanya ni Mayor Paz Radaza batok sa krimen nga maoy mihatag sa 1 milyon pesos nga reward money.

Gusto sa mayor ug ni mayoralty candidate Boy Radaza nga masulbad sa labing daling panahon ang linoog nga krimen nga naka mansa sa dungog sa malinawon nilang siyudad.

Gikondinar sab ni Boy Radaza ang mga suspek sa krimen ug nalipay sa kalamboan sa kaso pinaagi sa pagsikop sa suspek nga kanhi boyfriend sa biktima. (efrenlonzon71@gmail.com, 09235562777)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph