SECTIONS
Wednesday, July 17, 2019
SUPERBALITA CEBU

Lalake nag-wild, napusilan sa pulis

USA ka armadong lalake naghumentado, namato sa mga pulis hinungdan nga napusilan niadtong Lunes sa buntag, Marso 18, sa Sitio Uma Barangay Tindog sa lungsod sa Medellin.

Si Lindo Pino,42 , dunay kapuyo samdan sa duha niya ka paa human sa pagpanghasi niini nga nagdala sundang.

Si SPO3 Mamerto Gastador, imbestigador sa Medellin Police Station nga nahinabi sa Superbalita Cebu nagkanayon nga si Pino hubog nga nag-wild ug gipangtigbas ang bintana sa panimalay sa ilang silingan ug iyang motorsiklo.

Matud ni Gastador nga dihang nadawat nila ang taho dali silang mirespondi.

Ang mga silingan ingon man silang mga pulis ang nagtinabangay sa paghangyo kang Pino nga ibutang ang sundang motahan sa mga pulis

Apan wala kini mopatuo mikuhag bato gilabay ang mga pulis hinungdan nga naigo si SPO3 Gastador sa iyang bukton, giataki niya ang mga pulis hinungdan nga napusilan sa paa.

Si Gastador nagkanayon nga napugo’s siya sa pagpusil kang Pino aron kini ma-neutralized sanglit miataki na na kanila dala ang sundang.

Nasuta nila nga si Pino, gikatahong aborido kanunay nga naproblema na ang mga silingan ug kabanay tungod sa kabalaka nga kanunay manulong og patay kun mahubog.

Giingong problimado kini kay gibiyaan sa iyang kapuyo ang mga anak niini gibilin sa Barili.

Si Pino gipatambalan sa Vicente Sotto Memorial Medcial Center (VSMMC) sa Cebu City samtang gihikay ang kasong ipasaka batok kaniya.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph