SUPERBALITA CEBU

Kapulisan sa Mandaue full alert tungod sa pag-abot ni Mayor Sara karon

CEBU. Nangandam karun ang kapulisan sa siyudad sa Mandaue sa pag-bisita ni Davao City Mayor Sara Duterte Carpio. Ang anak ni President Rodrigo Duterte mubisita sa siyudad sa Mandaue and Sugbo sa Huwebes, Marso 21, para iendorso ang kandidatura sa 13 ka senatorial candidates nga naapil sa line-up sa iyang partido, Hugpong ng Pagbabago. (SunStar file photo)

KAPULISAN sa dakbayan sa Mandaue nag-full alert status sugod kagahapon, Miyerkules, Marso 20, sa alas 6:00 sa gabii alang sa pagbisita sa Sugbo sa anak ni Pres. Rodrigo Duterte ug mayor sa Davao City nga si Sara Duterte-Carpio sa Mandaue karon, Maro 21.

Si Sara maoy pangulo sa Hugpong Ng Pagbabago (HNP) gikatakda nga moisa sa kamot ni Mandaue City Mayor Luigi Quisumbing ug mga kaalyado isip mga opisyal nga kanddato sa partido.

Gitug-an ni Police Colonel Julian Entoma, direktor sa Mandaue City Police Office (MCPO), nga moabot sa 300 ka mga pulis ang ipakatap, sugod sa miaging Miyerkules sa gabii sa exit ug entry points sa siyudad,ug sa posibleng agian sa mayora.

Full alert sila, hangtud na nga makagawas sa dakbayan sa Mandaue ang anak sa presidente sa nasud.

Wa pay labot niini ang mga sakop Civil Disposal Management gikan sa Regional Mobile Force Battalion (RMFB) 7, kini alang sa mga grupo nga posibleng mopahigayon og mga lihuk-protesta.

Unang duawon ni Sara mao ang pangulo sa HNP ang Mandaue karong alas 9:00 sa buntag.

Gikataho nga uban niya ang 13 ka mga magpapapili pagka-senador nga iyang gisuportaran.

Sa Mandaue City Sports Complex himuon ang political rally diin gatusan na ka mga pulis ang gipahimutang pagdugang sa pwersa sa Presidential Security Group (PSG).

Awhag ni Entoma sa supporters sa mga lokal nga kandidato sa a Mandaue nga mas maayo nga dili magdala og backpack ug sling bag o shoulder bag aron dili na malangay sa himuon nga istrikto nga pagsusi sa mga dala.

Kahinumduman nga sa miaging tuig, nisulod og kasabutan ang HNP ni Sarah ug ang Hugpong Mandaue sa Pagbabago (HMP) sa grupo ni Quisumbing alang sa ilang panag-alyansa alang sa umaabot nga eleksiyon sa Mayo 13.

Nasayran nga gikatakda usab nga bistahon ni Sarah ang dakabyan sa Sugbo hapon, Huwebes, aron sa pagpakita og suporta sa kanidatura ni Cebu City Vice Mayor Edgardo Labella sa pagka mayor kauban ni Michael Rama, mga konsehal ug kandidato sa pagka-kongresista.

Sa Biyernes, Marso 22, tuyukon ni Sarah ang ubang bahin sa probinsya sa Sugbo, sama sa lungsod sa Liloan, aron pag-isa sa mga kamot sa ilang kaalyadong kandidato.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph