ANG “Campus Brothers” usa ka Cebuano drama-comedy experimental movie nga modagan ra og 35 minutos apan tugob sa pagtulon-an kay naghubit ni sa kabililhon sa edukasyon ug gugma sa pamilya.
Sa direksyon ni Ian Saballa ug sinuwat ni Johndro Sabuero, ang Campus Brothers gibituonan sa mga fast-rising star sa Cebu Young Talent Production nga silang Cebu Boyband finalist 2018 Emman Noynay ug Jeff Licayan.
Estariray sad dinhi ang social media influencer Snake Princess, Tubig Queen Dodoy Teberio, Tiktok Personality Rongie Enricoso, Viral Basketball Bae JZ Dizon, Boyband Zack Dipay ug ang Mrs. Grandma Universe 2017 Agnes Padao Jakosalem. Mabati usab sa maong lilas ang mga kantang “Bisaya ko” ug “Pasabta ko” ni “Kuya Bryan.”
Ang Cebu Young Talent nagsugod tuig 2014 diin lakip sa ilang mga gipasikat niadto mao silang Niel Murillo (grand winner sa ABS-CBN Pinoy Boyband Superstar) ug ang singer nga si John Roa (recording artist na sa Manila).
Ang mosunod mao ang atong Q and A sa mga bida sa maong pelikula nga karon pa lang gikahinaman na sa ilang Cebuano fans.
Campus Brothers, Ssssuper Ka!!!!
Unsay inyong role?
EMMAN NOYNAY: Moda ko sa papel nga Zack Rodriguez nga estudyante ug maguwang ni Jeff.
JEFF LICAYAN: I play the role of Rongie Rodriguez nga manghod ni Emman.
AGNES JAKOSALEM: I play the mother of Zack and Rongie as Agnes Rodriguez nga dunay seryusong sakit apan akong gitago nila.
SNAKE PRINCESS: Ako si Alexandra, usa sa mga estudyante nga mopakita sa iyang gugma isip higala sa managsuong Rongie ug Zack.
DODOY TEBERIO: Yung role ko na teacher na masayahin. What you see is what you get.
Kumusta ang experience?
DODOY: Oh my God! Super saya po.
EMMAN: Super nice ang bonding sa grupo.
JEFF: Maora mi og pamilya gyud.
SNAKE: Very exciting kay nakakita na pod kog mga bag-ong friends.
AGNES: Like my first pageant in the Mrs. Grandma Universe 2017 in Bulgaria, the short film Campus Brothers came also unexpectedly and a first. It is a cool and humbling experience. Almost kami tanan neophyte sa industry but dali kaayo dad-on ug happy ikauban.
Unsay pinaka-paborito ninyong scene?
EMMAN: Kadtong nagkatinubagay mi sa akong igsuon nga grabe ka intense.
JEFF: Yes, very emotional gyud kay didto namo napagawas kon unsa namo ka pinangga among mama.
AGNES: That’s my favorite scene, too, when they were confronting each other and discussing their mother’s condition.
SNAKE: Pinakalingaw nako kadtong mga pasiaw namo ni Dodoy ug sa ubang cast sulod sa classroom.
DODOY: Hindi ko makakalimutan si “Roger” kasi instead na “Rongie” super ilang ulit ko sinabi na “Roger.” Hanggang si Direk nag-walk out na lang po dahil kay Roger. Bitaw lingaw jud.
Unsay inyong profession gawas sa pag-artista?
AGNES: I’m a real estate broker ug financial officer sa life insurance.
SNAKE: Performer ug social media influencer.
DODOY: Teacher po sa Sto. Nino Montessori School sa Lapu-Lapu City.
JEFF: Estudyante sa University of San Jose- Recoletos.
EMMAN: Estudyante sad sa University of San Carlos.
Asa ninyo gi-shoot ang pelikula?
EMMAN: Sa Consolacion ug sa UV-Main Campus sa Colon.
JEFF: Human na ang shooting pag-February.
AGNES: Aduna mi premiere and gala night sa April 27, 2019 sa UV Main - Inday Teresing Auditorium.
DODOY: Meron din po kaming blockbuster showing sa Oriente Theatre sa April 28, 2019. Manood po kayo!
SNAKE: Para sa dugang impormasyon ug asa mapalit ang ticket please contact 09957111722 or 09497202744.