MABANHAW ang gikahadlukang panagpares nila ni Benjie Paras ug Ronnie Magsanoc sa Philippine Basketball Association (PBA) All-Star Game karong Marso 31 sa Calasiao, Pangasinan.
Ang duha ka kanhi superstars nahilakip sa North All-Stars ning maong gikaintapang duwa.
Sila si Paras ug Magsanoc mao ang labing pambato sa nabungkag nga Shell Turbochargers kaniadto.
Sa All-Star Game, ilang ikaparang ang panagpares nila ni Alvin Patrimonio ug Jerry Codiñera, mga pambato sa Purefoods Hotdogs.
“I’m just looking forward to being with my contemporaries and of course, to honor the commissioner (Willie Marcial) for remembering what we were able to experience 30 years ago,” asoy ni Magsanoc sa interbyu sa Spin.ph. (ESL)