NAPILI ang Mall of Asia Arena sa Pasay City isip official venue sa 2019 Southeast Asian Games basketball competitions.
Mao kini ang gianunsyo ni Philippine SEA Games Organising Committee (Phisgoc) head Ramon “Tats” Suzara kagahapon.
Si Suzara, kinsa nagrepresnetar sa Phisgoc, ug MOA management nga gipangulohan ni SM Lifestyle COO Herman Medina-Cue nagpinirmahay na og kontrata sa usa ka panaghugpong kagahapon.
“It’s very fruitful, very successful, and confirmed. One big thing has been resolved today,” asoy ni Suzara sa Spin.ph.
Adunay mga nabalaka dihang gipahibalo nga ang 5,500-seater Filoil Flying V Centre sa San Juan maoy napiling official venue sa kompetisyon imbes nga ang 20,000-seater Mall of Asia Arena.
Hinuon nasulbad ra dayon sa mga nag-organisar kining maong isyu.
“They’ve been supporting our cause and they’ve been holding world class events here. For me, they’re the only world class venue in the Philippines,” asoy ni Suzara kabahin sa MOA.
Hinuon ang Filoil Flying V Centre gamiton lang gihapon isip venue sa 3x3 basketball competitions. (ESL)