GIBAHARAN sa manager ug tag-iya ang usa ka dalaga nga pasakaan og kaso kung dili kini makabayad ug gihagad nga makig-sex bugti sa utang niadtong nilabay nga adlaw sa Barangay 4, siyudad sa Cagayan de Oro.
Gireklamo ni Fe (dili tinuod nga ngalan), 18, taga Barangay Carmen, ning dakbayan si Jay (bansagon gitago), usa ka manager ug giingong ang Pakistani nga tag-iya sa usa ka lending corporation.
Sa nahipos nga impormasiyon, gibutyag ni Fe nga nabalaka siya human gibaharan ni Jay nga pasakaan og kaso kung dili makabayad.
Samtang nakadawat usab siya og mga mensahe gikan sa Pakistani national nga gusto niini nga makigkita ug makigtagay og lawasnong kalipay kaniya.
Wala na usab nabutyag kung pila ang bayrunon ni Fe ngadto sa maong lending corporation.
Ang insidente nakatala na sa buhatan sa kapulisan ug giduso na sa Barangay Lupon alang sa tukmang disposasiyon.