PORMAL nga gitunol ang labing unang Eco-bricks hub nga mamahimong livelihood program sa mga kanhi mangaykayay og basura niadtong Martes, Marso 19, sa dumpsite sa Upper Dagong, Zayas Landfill, Barangay Carmen, dakbayan sa Cagayan de Oro.
Ang maong mga makina ang gitunol sa Nestle Philippines ug Green Antz ngadto sa lokal nga kagamhanan sa dakbayan sa kooperatiba sa Material Recovery Facility (MRF).
Matud sa MRF Cooperative vice chairman nga dako kaayo ang ilang pasalamat sa lokal nga kagamhanan sa dakbayan ug sa mga pribadong sektor gumikan kay dili lamang kini para sa ila kundili lakip na sa ilang umaabot pa nga henerasiyon.
“Dako gyud kaayo ang among pasalamat ilabi na sa dakbayan sa Cagayan de Oro na ever since sa closure sa dumpsite anaa na gyud sila kanamo perminte nagatabang,” matud ni Jinky Paid.
Gidugang pa niini nga gihatagan sila og mga seminar aron nga dili magpabilin nga mangaykay og basura ug nahatagan sa kahigayonan nga molambo ang panginabuhian.
Samtang gibutyag sa presidente sa Green Antz Engr. Rommel Benig kini ang sinugdanan nga mahatagan og higayon nga maresolba ang problema sa nasud ilabi na nga anaa sa ikatulo nga kusog maglabay og basura sa kadagatan ang mga Pinoy.
Gidugang pa nga kini ang pinaka-una dinhi sa Mindanao ug nanghinaot nga mamahimong sumbanan ang Cagayan de Oro sa laing mga dagkong siyudad nga maghimo og susama niini.
“This is just the beginning we encourage everyone to really support this program, the first in Mindanao, so it is something that really we are proud na dito sa Cagayan de Oro which is one of the progressive cities in the Philippines and sana maging inspiration po sa ibang city na gayahin ang ginawa ng taga Cagayan de Oro,” matud niini.
Mibutyag usab ang Nestle Philippines pinaagai ni Maria Christine Ponce-Garcia, assistant vice president, nga kini pinaagi na usab sa pagtinabangay sa lokal nga kagamhanan sa dakbayan ug sa Green Antz nga mao kini ang naghatag sa mga makina aron nga makatabang usab diha sa problema sa mga pakete sa mga produkto nga ilabay lang bisan sa sa mga konsumidor.
“Naisipan namin na mayroon tayong malaking obligasiyon para e-address natin yung problema natin sa post-consumer plastic waste, ginawa namin to bilang parte ng aming creating shares value initiative,” matud niini.
Giingong kini ilang gihimo tungod kay obiligasiyon niini isip pribadong sektor nga makigpartner sa lokal nga kagamhanan aron matabanagn ug ma-edukar ang katawhan nga dili angayang ilabay ang mga basura bisan asa.
“Dahil alam namin na meron kaming obligasiyon bilang private sector para maki partner sa mga LGU natin para turoan sila na hindi dapat tinatapon ang mga plastics natin kundi merong paraan para ito ma recycle natin,” dugang niini.
Samtang dako usab ang kalipay ni Cagayan de Oo City Mayor Oscar Moreno alang sa mga kanhi mangaykayay og basura gumikan kay dako kining tabang alang sa ilang panginabuhian ug tanan makabenepisyo niini ilabi na sa planong himuon ang maong dapit og eco-park.
“Very exciting and of course we’re happy for you naay inyong livelihood opportunity and we’re also happy for the rest of the community,” matud ni Moreno.
Nasayran nga ang maong hub maoy gamiton sa mga katawhan nga nakabenepisyo niini sa paghimo og brick nga ginama sa plastic diin ang usa ka brick nagkinahanglan og 100 ka sachet laminates diin mas lig-on ug bugnaw.